影片
更多
2022-11-26
161 瀏覽
又到左4年1度既世界杯，因為卡塔首6、7月太熱，所以改左11月先舉行。對於男仕黎講睇世界杯咁重要，緊係要睇啦，但係依家又唔係有好多酒吧有得睇，而舊同事又知道淥鼎記有得睇喎，於是就book左枱打邊爐同睇波喇😝本來今日book左20:30，但因為我地早左8點到，但接待話有位，就俾左我地入去，餐廳俾左張卡位睇到，有啲唔好就係得1邊睇到，但唔緊要，我未去到想要睇波既情況，所以讓左位俾2位男仕 (舊同事同大股東)睇🙈今日我地叫左爵爺套餐，有以下食物:－ 主菜 (我地要左椰子雞)🐔－ 日本時令刺身 (1份)🍣－ 豪華海鮮拼盤 (1份)－ 安格斯頂級牛小排(1份)另外就係有火鍋配料任食，飲品任飲🥤等等😋入去時都已經行入自助區，首先係飲品區，都幾多飲品，除左普通會見到既任依飲品下，重會見到有佢地自家制既竹蔗茅根同埋茉莉花茶，如果唔飲汽水，都有第2啲選擇🤗而我地首先試左個椰子雞先，湯都幾濃椰子味味，飲落去唔算太味精，雞件亦都算嫩滑，而且冇咩雪味，可以接受👌之後黎到日本時令刺身，有三文魚、帶子、蝦及鮑魚，鮑魚比較好食，其他就普普通通😌打邊爐湯底我地選擇左花膠美人鍋，任食邊爐部份都有海鮮拼盤送，但海鮮就1般
本來今日book左20:30，但因為我地早左8點到，但接待話有位，就俾左我地入去，餐廳俾左張卡位睇到，有啲唔好就係得1邊睇到，但唔緊要，我未去到想要睇波既情況，所以讓左位俾2位男仕 (舊同事同大股東)睇🙈
今日我地叫左爵爺套餐，有以下食物:
－ 主菜 (我地要左椰子雞)🐔
－ 日本時令刺身 (1份)🍣
－ 豪華海鮮拼盤 (1份)
－ 安格斯頂級牛小排(1份)
另外就係有火鍋配料任食，飲品任飲🥤等等😋
入去時都已經行入自助區，首先係飲品區，都幾多飲品，除左普通會見到既任依飲品下，重會見到有佢地自家制既竹蔗茅根同埋茉莉花茶，如果唔飲汽水，都有第2啲選擇🤗
而我地首先試左個椰子雞先，湯都幾濃椰子味味，飲落去唔算太味精，雞件亦都算嫩滑，而且冇咩雪味，可以接受👌
之後黎到日本時令刺身，有三文魚、帶子、蝦及鮑魚，鮑魚比較好食，其他就普普通通😌
打邊爐湯底我地選擇左花膠美人鍋，任食邊爐部份都有海鮮拼盤送，但海鮮就1般，但食落去尚算新鮮，不過不失😉
最後試左佢地安格斯頂級牛小排，非常好食，就算係淥耐左，都唔覺得佢太老，非常新鮮，呢個係全餐最好食既1個部份😋
除左邊爐，每位到最後都可以叫1杯Haagen Dazs，今次試左哈蜜瓜味，好食，大家都可以試下😝
總結: 飲品同食物款式都多，主食亦都有唔同既選擇，唔會hea俾你，服務亦都唔錯，呢排多人睇波，可能就要book下位喇😉睇波亦都好有氣氛，如果想大家1齊叫下，呢間餐廳絕到俾到你感覺🤩
張貼
