影片
2022-12-21
143 瀏覽
成日聽人講隱世餐廳，呢間印尼菜館可以話係名副其實，經過都唔覺得有間舖。其實佢係位於一間超市入邊，入完超市再行落樓梯去地庫就到啦。可能唔係太多人知，所以冇咩人，但係其實不失為一個聚腳點。餐廳門口賣啲印尼小食，入到去裝修間隔都幾企理。餐廳食物款式都幾多，印尼人幾鍾意食炸嘢，炸嘢都幾多款，淨係睇菜單都有兩頁，例如有粟米餅、蝦餅等等。重點係加東牛肉雜錦飯，見到OpenRice好多人都食呢個。呢個雜錦飯價錢唔貴，材料非常豐富，有薯仔粒、花生、蝦片再加埋巴東牛肉，同埋啲咖喱。淨睇賣相都贏啊。如果要揀一款嘅話，一定係呢一個。佢啲咖喱汁有椰香味，非常香濃，可能呢啲就係印尼正宗嘅風味。仲有個烤雞都值得推介，份量都唔少。另外我哋叫咗通菜，有馬拉盞通菜、蝦醬通菜等等。因為貪健康，所以叫啲菜，唔算話好鹹，味道都唔錯。我哋亦點咗串燒，由唔同嘅肉串組合而成。啲肉質非常鮮同埋都幾林，點埋汁就一流。出邊比較少印尼餐廳，如果要食嘅話呢度算係鬧市嘅一間唔錯嘅選擇，價錢方面都算幾抵食。
餐廳門口賣啲印尼小食，入到去裝修間隔都幾企理。
餐廳食物款式都幾多，印尼人幾鍾意食炸嘢，炸嘢都幾多款，淨係睇菜單都有兩頁，例如有粟米餅、蝦餅等等。
重點係加東牛肉雜錦飯，見到OpenRice好多人都食呢個。呢個雜錦飯價錢唔貴，材料非常豐富，有薯仔粒、花生、蝦片再加埋巴東牛肉，同埋啲咖喱。淨睇賣相都贏啊。如果要揀一款嘅話，一定係呢一個。
佢啲咖喱汁有椰香味，非常香濃，可能呢啲就係印尼正宗嘅風味。
仲有個烤雞都值得推介，份量都唔少。
另外我哋叫咗通菜，有馬拉盞通菜、蝦醬通菜等等。因為貪健康，所以叫啲菜，唔算話好鹹，味道都唔錯。
我哋亦點咗串燒，由唔同嘅肉串組合而成。啲肉質非常鮮同埋都幾林，點埋汁就一流。
出邊比較少印尼餐廳，如果要食嘅話呢度算係鬧市嘅一間唔錯嘅選擇，價錢方面都算幾抵食。
張貼
