影片
更多
2010-07-18
248 瀏覽
米芝連 2 粒星中菜館，環境寬倘清靜，坐得舒服，出品一流、服務滿意﹗必試﹗食飽飯再落樓下酒店酒吧度聽 live band、飲返幾杯，勁爽﹗五香燒腩肉，又名燒腩仔，五層口感，香脆、嫩滑、爽口、嚥哽、軟腍，脆卜卜，肉質比例完全恰到好處，點少少芥辣，食到停唔到﹗明閣炸子雞，不容錯過既炸子雞，連個名都同餐廳一樣，即叫即炸，雞肉鮮嫰滑溜、肉汁豐盈，皮薄香脆、無肥膏，身材勁 fit，點甜醋食好特別又美味﹗伴碟有炸蓮藕片，好香脆，好似食緊薯片咁，但健康好多﹗龍皇披金甲，真係估佢唔到，究竟咩來頭？個名咁猛？2009 年銀奬﹗原來係蝦膠釀龍躉腩﹗最下面係龍躉腩、中間係鮮蝦膠、最上面再用龍躉皮夾住，三種口感，腩肉好重鮮魚味、充滿肉汁、腍滑非常；鮮蝦膠彈牙無比；魚皮嚥嚥哽哽、廉廉既口感，整件炸得十分香口，配搭近乎完美。如與配菜豆苗或小棠菜同吃，可去除多餘油膩及煎炸感，口感更清新﹗還有炸得香脆既蝦頭伴碟，連殼都食埋﹗脆芝士龍蝦伴醋香鮑魚天使麵，個人而言唔多咁口味，創意十足，仲攞過奬。鋪係開邊龍蝦上面既炸脆芝士太硬、無咩味，我每次都會去掉，淨係食龍蝦肉，肉鮮、爽口彈牙。鮑魚，覺得好似蜜餞鮑魚，我會去左外面癡笠笠
五香燒腩肉，又名燒腩仔，五層口感，香脆、嫩滑、爽口、嚥哽、軟腍，脆卜卜，肉質比例完全恰到好處，點少少芥辣，食到停唔到﹗
明閣炸子雞，不容錯過既炸子雞，連個名都同餐廳一樣，即叫即炸，雞肉鮮嫰滑溜、肉汁豐盈，皮薄香脆、無肥膏，身材勁 fit，點甜醋食好特別又美味﹗伴碟有炸蓮藕片，好香脆，好似食緊薯片咁，但健康好多﹗
龍皇披金甲，真係估佢唔到，究竟咩來頭？個名咁猛？2009 年銀奬﹗原來係蝦膠釀龍躉腩﹗最下面係龍躉腩、中間係鮮蝦膠、最上面再用龍躉皮夾住，三種口感，腩肉好重鮮魚味、充滿肉汁、腍滑非常；鮮蝦膠彈牙無比；魚皮嚥嚥哽哽、廉廉既口感，整件炸得十分香口，配搭近乎完美。如與配菜豆苗或小棠菜同吃，可去除多餘油膩及煎炸感，口感更清新﹗還有炸得香脆既蝦頭伴碟，連殼都食埋﹗
脆芝士龍蝦伴醋香鮑魚天使麵，個人而言唔多咁口味，創意十足，仲攞過奬。鋪係開邊龍蝦上面既炸脆芝士太硬、無咩味，我每次都會去掉，淨係食龍蝦肉，肉鮮、爽口彈牙。鮑魚，覺得好似蜜餞鮑魚，我會去左外面癡笠笠層野，淨食裡面既包鮑魚，都好腍又鮮味。所謂醋香應該係指個汁，微暖，倒係天使麵同食，酸酸甜甜，都好開胃，天使麵無咩特別，白烚啫。整體黎講，都係要試試既 ~
翅晶凝，演譯得最精彩的甜品，令整張枱都係白煙的甜品翅晶凝 !本人平時極少食甜野，但依味較淡，香味佔多，剛好﹗
張貼