星海薈﹒譽宴

營業中

休息中

📍石門 萬怡酒店 星海．星海薈 The Starview 📍晚市同屋企人去食飯，剛好留意到附近有呢間星海薈，見到裝修幾靚，就入去試吓。環境俾想像中優雅，係藍色同黑色主調，好高貴，好適合用嚟做婚宴，會好有特色。舞台都幾大，有花花做裝飾，餐具都好有心思。食物就點咗💕鐵板白胡椒煎焗澳洲龍蝦🦞 $598第一次食白胡椒配龍蝦呢個配搭，好有特色。本身都鐘意胡椒嘅味道，之前試過胡椒蟹，呢次就試埋胡椒龍蝦，熱辣辣咁上，啖啖肉，不用另外再用咩工具嚟拆肉拆殼，好貼心。💕川貝海底椰鱷魚肉燉花膠湯 $98/位好足料，有幾塊花膠，滋潤滋補。味道唔會太咸，恰度好處。💕粟米龍躉斑塊 $238為免啲斑塊俾汁整淋，所以粟米汁同炸斑塊分開上，都係好貼心嘅舉動。斑塊有魚味，雖然炸咗但唔會太油膩，加上香甜足料粟米汁 一流嘅配撘。💕紅燒竹笙菌皇豆腐 $138豆腐的尺寸又係細心之作，真正一口豆腐。口感嫩滑，配嘅汁都剛剛好，唔會太咸，昇華了豆腐嘅味道。竹苼都好足料，清清地幾好食。服務員態度都好好，令人舒服，積極幫助，又有禮貌。