集眾菜館

營業中

休息中

因為我自己本身好鍾意食魚鰾，而呢一間小菜館嘅魚標又做得好出色，所以今晚忽發奇想，嚟一個魚標大比拼，其實都係好無聊咁樣叫兩款唔同煮法嘅魚標睇下邊隻正啲。一號佳麗就係鎮店之寶之一嘅鐵板白胡椒煎魚鰾，佢係用煎焗嘅方式去處理呢個魚標，所以煎到魚標嘅外層少少窿微微脆，蓮藕落去嘅時候仍然保留到魚標嗰種煙煙靭靭嘅口感，用鐵板上就保留到嗰個溫度，特別天氣凍嘅時候會更理想。2號佳麗就係傳統嘅薑蔥魚標，都係鐵板上，呢個魚標就少咗煎焗嗰種嘅脆口，不過佢啲配料就煮得好香，洋蔥紅蔥頭蒜片等等發揮到佢哋應有嘅香味。總結：如果純粹講魚標本身，白胡椒煎嗰款係好食啲嘅，但係如果講整體嚟講，薑蔥魚標係惹味啲嘅。