Riverside Grill

營業中

休息中

疫情下出外食嘢都要諗諗先，選擇戶外餐廳比較穩陣。所以我哋都係選擇咗將軍澳南位於海濱蘇豪區的戶外食肆抖抖氣食吓嘢，務求食得安心。嗰度有一排食肆都幾開陽，有室內及戶外坐。我哋選擇咗其中一間西餐廳，嗰度啲餐廳多數都可以帶狗狗，所以都好多愛狗之人幫襯。餐廳食物嘅份量都幾大份，味道都達標，而且價錢可以接受。炸魚薯條嘅炸魚好大塊，皮脆肉嫩，剛炸起熱謄騰。芒果大蝦沙律份量都唔細，幾fresh, 不過大蝦應該係用雪蝦，夠彈牙但冇乜蝦味。坐喺陽光下，食吓嘢飲杯青檸梳打，食個休閒午餐都算唔錯！