影片
更多
2022-04-02
1295 瀏覽
疫情下的君悅扒房 - Grand Hyatt Steakhouse 以往淨係開夜晚嘅佢抵抗唔到疫情終於要開午市、會一會佢睇吓晏晝有咩唔同，一望到餐牌、心諗這些機會終於屬於我的：第1 ： Set Lunch $480 一位 ，我本身係一個唔鍾意食Set 嘅人，心諗肯定係嗰啲「gap 」嘢，喵一喵竟然有佢哋最出色嘅菜式俾你揀，譬如Prawn Cocktail , Mussels , Steak Tartare , Grill Bacon , 另外加$35可以有龍蝦湯、周打蜆湯，跟住可以揀阿根廷肉眼扒 或者加$190可以叫個Wagyu西冷，唔係啊嘛，平時一個 A la carte steak tartare 都要288啦，480滿足晒所有願望，Kinder 出奇蛋都要讓開 ，睇完呢個餐牌我絕對要向惡勢力低頭，馬上叫兩個set lunch試吓 「笑」第2 ：咁嘅陣容 諗住佢都係嗰啲「阿婆踩過界，行路有古怪」迷你tasting menu , 肯肯定唔夠轉頭出去波波火鍋嗰隻，餐廳秉承住美國餐廳作風，份量十足 ，對唔住、「係我小人之心度君子之腹」你係得嘅 「笑」第3 ： $49一杯紅酒或者白酒、果汁
以往淨係開夜晚嘅佢抵抗唔到疫情終於要開午市、會一會佢睇吓晏晝有咩唔同，一望到餐牌、心諗這些機會終於屬於我的：
第1 ： Set Lunch $480 一位 ，我本身係一個唔鍾意食Set 嘅人，心諗肯定係嗰啲「gap 」嘢，喵一喵竟然有佢哋最出色嘅菜式俾你揀，譬如Prawn Cocktail , Mussels , Steak Tartare , Grill Bacon , 另外加$35可以有龍蝦湯、周打蜆湯，跟住可以揀阿根廷肉眼扒 或者加$190可以叫個Wagyu西冷，唔係啊嘛，平時一個 A la carte steak tartare 都要288啦，480滿足晒所有願望，Kinder 出奇蛋都要讓開 ，睇完呢個餐牌我絕對要向惡勢力低頭，馬上叫兩個set lunch試吓 「笑」
第2 ：咁嘅陣容 諗住佢都係嗰啲「阿婆踩過界，行路有古怪」
迷你tasting menu , 肯肯定唔夠轉頭出去波波火鍋嗰隻，餐廳秉承住美國餐廳作風，份量十足 ，對唔住、「係我小人之心度君子之腹」你係得嘅 「笑」
第3 ： $49一杯紅酒或者白酒、果汁汽水 ，第二個鐘頭加一蚊免費飲多杯 ，即係$50 （2 杯） 、大家樂價錢？講個啪返杯Shiraz 試試佢，似呢個質素俾杯咁嘅紅酒絕對超值，飲到最後、其實waitress 都FF Free Flow 、去之前大家記得整返粒 護肝丸「笑」
食物質素一如以往的穩陣，唔會有太大期望亦唔會特別失望，我食咗加錢Wagyu 西冷，唔會一味油膩，juicy , 可惜有渣，建議食阿根廷肉眼便可以，總括嚟講，以呢個價錢食到呢啲質素，絕對係「旅遊搵關鍵，識飲識食超值」（笑）
張貼
