Lonely Paisley

營業中

休息中

今次既餐廳十分啱鍾意打卡既我地，好有異國風情，不單食物、餐具、傢俬裝飾，每一樣都睇得出店主既細心。一走入店內已經感到旅行般，猶如置身當地。另外，店員又十分友善，會細心講解不同既食物。Sneaky Sneaky - 呢個係店員介紹，調酒師被薄荷朱古力啟發而調制。甜甜地有少少奶香，賣相淡粉綠色再配上朱古力豆豆，好少女！入口有啲似滑身既奶昔，有酒香，配埋朱古力豆豆一齊食又可以中和到酒味，好推介大家都試下～土耳其烤雞肉卷 - 雞肉卷入面既雞肉唔係大大件，係雞粒肉、加埋不同既蔬菜，溝埋少少醬汁，加上餅皮偏軟熟，口感好好又方便進食。蜜糖芥末豬串骨配薯菜 - 呢個豬串骨烤都外面香口肉裡重嫩滑，點埋個蜜糖芥末真係會食上癮。而薯仔粒係一口一粒，又係外層少少脆，可以點埋芥末醬一齊食。