RUE DU LIBAN

山林道呢間餐廳裝修超吸晴，外牆係好美嘅貴族藍色，牆身吊住顏色柔和嘅乾花同綠色嘅葉，好童話故事feel。裏面天花板又係掛住同色系乾花，裝修好靚。成餐飯見到入嚟嘅主要係女士，得一兩枱係男士同另一伴嚟，明顯都係d 打卡 and for 女士聚會嘅餐廳。餐廳咁異國風情其實係食黎巴嫩菜，全部侍應都係外國人。今日嚟係lunchtime，得一個semi buffet menu $358 (openrice book 有8折)。Buffet 主要係有沙律吧，主要係配唔同嘅sauce：鷹嘴豆蓉、羊奶酪等。另外有烤肉類同埋即煮嘅pasta。坦白講，sauce 真係唔太識分有咩唔同，淨係識分辣同唔辣😅。至於烤肉，個人覺得中東菜d肉都係咁，烤到d 肉乾爭爭同鞋烚烚。最impressive 係個pasta, 自己揀粉同醬汁，熱辣辣。甜品有rice pudding，清清甜甜，好食喎！主菜BEEF SHAWARMA飯配上烤牛肉，牛肉同buffet 果d差唔多。MOUSSAKA (VEG)賣相都幾精緻，素菜嚟。用咗青椒、菇、茄子、蕃茄叠成幾層，配埋個蕃茄醬，然後又覺得同buffet 煮pasta 個sauce 一樣。