影片
更多
2023-09-11
720 瀏覽
👍🏻牛肉石鍋飯 $180又有新開韓國餐廳🇰🇷係田浦食肉姊妹店，由一班居港韓國Oppa主理，由大廚到店員都係韓國人，主打韓式新派石鍋飯🍲一上枱Oppa店員會幫手拌飯，教埋你點食先最地道😎拌好分埋上碗，留低部份拌飯加入昆布湯變成茶漬泡飯，一飯兩食各有特色有別於一般韓式石鍋飯，呢度飯焦冇咁多同時亦冇咁油膩，調味比較清飯粒帶點煙韌口感，有啲似炒飯嘅感覺，有陣陣香蔥味牛肩胛肉煎到焦香，少量脂肪冇筋，要啲嚼勁但唔難咬開，肉味非常濃而且冇騷味比想像中足料，約2人份量味道：8/10性價比：6/10-👍🏻生醃醬油蟹 $288超多蟹膏蟹肉嘅醬油花蟹！Oppa店員教路，先將蟹膏同蟹肉吱上紫菜飯團，再加入醬油撈勻最後放入蟹蓋撈埋啲蟹膏食用，一啖入口甘甜鮮味十足😜味道：7/10性價比：7/10-👍🏻黑芝麻炸雞 $165上枱笑咗出聲，賣相的確唔討好成舊黑蚊蚊🫠但點知又幾好食，而且比較少食到呢隻口味嘅韓國炸雞，幾有驚喜炸雞沾滿芝麻醬，味道帶甜微微酸，黑芝麻香味非常濃厚突出即使被芝麻醬包裹，雞皮仍然好脆口，肉質都ok唔乾柴，無骨啖啖肉，不過size就唔係好大舊🤏🏻味道：8/10性價比：6/10-👍🏻Yellow Fl
又有新開韓國餐廳🇰🇷係田浦食肉姊妹店，由一班居港韓國Oppa主理，由大廚到店員都係韓國人，主打韓式新派石鍋飯🍲
一上枱Oppa店員會幫手拌飯，教埋你點食先最地道😎
拌好分埋上碗，留低部份拌飯加入昆布湯變成茶漬泡飯，一飯兩食各有特色
有別於一般韓式石鍋飯，呢度飯焦冇咁多同時亦冇咁油膩，調味比較清
飯粒帶點煙韌口感，有啲似炒飯嘅感覺，有陣陣香蔥味
牛肩胛肉煎到焦香，少量脂肪冇筋，要啲嚼勁但唔難咬開，肉味非常濃而且冇騷味
比想像中足料，約2人份量
味道：8/10
性價比：6/10
-
👍🏻生醃醬油蟹 $288
超多蟹膏蟹肉嘅醬油花蟹！Oppa店員教路，先將蟹膏同蟹肉吱上紫菜飯團，再加入醬油撈勻
最後放入蟹蓋撈埋啲蟹膏食用，一啖入口甘甜鮮味十足😜
味道：7/10
性價比：7/10
-
👍🏻黑芝麻炸雞 $165
上枱笑咗出聲，賣相的確唔討好成舊黑蚊蚊🫠
但點知又幾好食，而且比較少食到呢隻口味嘅韓國炸雞，幾有驚喜
炸雞沾滿芝麻醬，味道帶甜微微酸，黑芝麻香味非常濃厚突出
即使被芝麻醬包裹，雞皮仍然好脆口，肉質都ok唔乾柴，無骨啖啖肉，不過size就唔係好大舊🤏🏻
味道：8/10
性價比：6/10
-
👍🏻Yellow Flower & Aloha $38
賣相好靚嘅mocktails，加入柚子、檸檬、菠蘿、藍柑酒等，酸酸甜甜好解渴，同個環境好襯，打卡一流
味道：8/10
性價比：8/10
-
整體味道唔錯，前菜小碟都唔馬虎，除咗泡菜、涼拌青瓜、豆芽菜、菠菜、海帶等，仲有少見嘅麻藥煎豆腐
價錢偏貴，但勝在環境闊落乾淨坐得舒服，行田園cafe風格，有種去咗韓國cafe嘅感覺，Oppa服務態度好好
-
📍#Antidote @antidote_inhk
北角炮台山福蔭道1號海峰園南峰閣地下4A號舖
張貼
