隨變火鍋

營業中

休息中

今日天氣凍，老公話想食火鍋，想起銅鑼灣隨變火鍋 ，食物質素好又好味，真係食過都會翻尋味，一於同老公再去食。餐廳雖然係樓上店，但係都好受歡迎，每次去都係座無虛席。最好就係坐近窗邊，可以望到維景。景色優美真係食得開心！隨變火鍋提供的雞煲有濕乾兩種鍋底，香料都是從四川重慶運來，味道正宗，味道選擇有辣有唔辣，食完雞煲重可以加湯做火鍋湯底。回味香辣雞煲半隻，擇咗微辣，雞煲上檯見到雞煲內已經有湯，唔係食完雞再加湯做湯底果啲。雞件浸在湯內吸收湯汁精華，雞件好入味, 肉質好滑嫩，帶少少辣好惹味！西班牙黑豚肉：黑豚豬肉100% 無激素，天然飼養肉味香，肉質淋滑，油帶甘香，肥瘦比例均勻肉味香。不可錯過手工雲吞王：雲吞真材實料，皮薄餡靚，餡入面豬肉外和蝦，鮮甜爽口！必食手工魚皮餃：餃皮魚用料新鮮，味道香濃，厚身爽滑。