御膳

營業中

休息中

朋友同我講佢之前同媽咪食左呢間御膳私房菜，覺得好好食，叫我帶媽咪試下。我同媽咪都未食過私房菜，所以決定一於帶媽咪食，孝敬下佢。朋友俾左電話我，叫我whatsapp 間餐廳，餐廳好細心，問我有d咩想食有d咩唔食，幫我設計菜單，再sd俾我睇下得唔得，唔得再改，計人頭收費。咁我就淨係要求唔食內臟同唔食魚，其他等餐廳幫我諗。第一次收到菜單已經一take過，都幾滿意，搞到我同媽咪都好期待呢一餐。去到餐廳同佢講貴姓幾多位，店員就帶你坐去佢地已經預留好既位，而抬面上面已經有一張之前設計好既菜單俾你check下，坐底一陣已經隨即上菜麻辣手撕雞:雞肉夠嫩滑，辣度岩岩好，好開胃，配埋青瓜好fresh什菌豆腐大蜆湯:個湯好濃郁，有蜆既清甜味，豆腐好滑，d菇好鮮同爽口。避風塘炒大肉蟹:隻蟹好大隻好多肉，炒得好惹味，味道岩岩好，唔會過鹹，而且肉質好爽口，同媽咪食得好滋味。白胡椒香爆南非鮑魚:鮑魚煮得好腍，個汁好香胡椒味，第一次見鮑魚用白胡椒煮，味道好夾流沙黃金蝦:隻蝦好大隻而且好彈牙，一食蝦上面既蛋黃入口即溶，隻蝦個殻好脆，可以連殻食，正!士多啤梨骨肉好腍，一咬d肉同d骨即刻分開，好濃郁既士多啤梨味，酸酸甜甜好