影片
更多
2024-08-12
507 瀏覽
老公朋友介紹靚到不得了的法國菜。決定趁生日豪一次。喺太和邨過條馬路就到。餐廳門口有座古典鋼琴，神秘嘅玻璃門打開，一入去就見到一個好靚嘅酒吧枱，裝修都幾有格調。午市4道菜套餐先來一份黑糖麵包，麵包暖笠笠，加上黑松露牛油，非常好味。食餐包都用上名貴嘅靚碟，實在太有格調。乾式熟成澳洲和牛他他又靚又高級嘅碟呈上，半生熟牛肉加生蛋，牛肉好甜好滑，應該加咗醋，帶輕微酸味，非常開胃。加埋蒜蓉包住一齊食，更好味。煙三文魚有機沙律：非常靚，好似玫瑰花咁，煙三文魚香甜鹹鮮味，加上蔬菜好清爽。法式澳洲活龍蝦湯用忌廉造成拉花，仲有有泡沫，賣相靚。龍蝦湯非常濃郁，好鮮甜。澳洲M9和牛小排七成熟牛扒大大塊，肥瘦適中。乾式熟成紐西蘭法式羊仔架擺盤非常靚，羊架三大件，熟成度剛剛好，肉味香濃，肉汁非常豐富。值得一提配菜除咗有薯蓉之外，仲有一個紫薯蓉球，非常之香甜。甜品原隻海膽雪糕，非常之浮誇嘅上枱方式，煙霧彌漫之下見原隻海膽，雪糕味道非常香甜。另一份係Tiramisu，賣相一流，口感幼滑濕潤，咖啡味香濃，相當不錯。另外加配一個比利時朱古力心太軟慶祝生日，餐廳特意寫上Happy Birthday，擺盤非常靚。心太軟外脆內
午市4道菜套餐
先來一份黑糖麵包，麵包暖笠笠，加上黑松露牛油，非常好味。食餐包都用上名貴嘅靚碟，實在太有格調。
乾式熟成澳洲和牛他他又靚又高級嘅碟呈上，半生熟牛肉加生蛋，牛肉好甜好滑，應該加咗醋，帶輕微酸味，非常開胃。加埋蒜蓉包住一齊食，更好味。
煙三文魚有機沙律：非常靚，好似玫瑰花咁，煙三文魚香甜鹹鮮味，加上蔬菜好清爽。
法式澳洲活龍蝦湯用忌廉造成拉花，仲有有泡沫，賣相靚。龍蝦湯非常濃郁，好鮮甜。
澳洲M9和牛小排七成熟牛扒大大塊，肥瘦適中。
乾式熟成紐西蘭法式羊仔架擺盤非常靚，羊架三大件，熟成度剛剛好，肉味香濃，肉汁非常豐富。值得一提配菜除咗有薯蓉之外，仲有一個紫薯蓉球，非常之香甜。
甜品原隻海膽雪糕，非常之浮誇嘅上枱方式，煙霧彌漫之下見原隻海膽，雪糕味道非常香甜。另一份係Tiramisu，賣相一流，口感幼滑濕潤，咖啡味香濃，相當不錯。
另外加配一個比利時朱古力心太軟慶祝生日，餐廳特意寫上Happy Birthday，擺盤非常靚。心太軟外脆內軟，切開中間朱古力將爆曬出嚟，非常澎湃，朱古力味好濃郁。仲有唔少水果陪襯。
食物賣相非常精美，連餐具都好靚，味道相當好，非常享受整個用餐過程。本身價錢唔平，OpenRice 有些優惠券幫補下都算抵食。大時大節慶祝生日都非常值得。
張貼
