宴 尖沙咀

嗰日我生日，朋友帶我嚟呢度食日式放題，佢話佢成日嚟呢度食晚餐。因為我生日就食豪啲嘅套餐，竹餐火鍋放題。呢個套餐包含一份磯煮鮑魚同半隻松葉蟹，其他嘅火鍋食材都係任食，火鍋配料有胡麻、醋同豉油。湯底就係醬油湯拼豬骨湯，我哋可以試到唔同嘅湯底，有鹹香味十足嘅醬油湯同豬味好濃郁嘅豬骨湯。▶️半隻松葉蟹◀️松葉蟹煮到橙紅色，飽滿嘅蟹肉食落去肉質好有彈性，肉質味道好有層次感而且甜味十足，係最高級嘅螃蟹之一。▶️磯煮鮑魚◀️鮑魚有鮮嫩嘅肉質，食落去鮮味十足，少少甜味，食得好開胃。▶️特選宮崎和牛◀️雪白嘅油花幼細均勻，鮮紅嘅肉質好有光澤，食落去口感幼嫩滑溜，牛肉味好濃郁，食完之後齒頰留香。▶️野菜拼盤◀️由豆腐、菇類同蔬菜組成嘅野菜拼盤，每一樣蔬菜都口感滑溜，味道清香，當中豆腐軟嫩嘅口感更加令人鍾意。而且以家佢哋做埋宵夜時段，星期一至六都開到凌晨3:30，下次一定要半夜嚟體驗下係呢度食宵夜嘅感覺。