影片
更多
2017-07-30
1009 瀏覽
祝我生日快樂✌🏿又老一歲，人大咗就只係想低調地完咗自己既生日。咁當然，點都少不免會同屋企人親朋好友食番餐好既黎慶祝。同好朋友以往每年都會食自助餐慶祝，但年紀大就開始食唔到咁多野，所以任食既放題自助餐呢d就統統ban曬。反之，我地開始搵d有質素既餐廳慢慢食。所以經過一輪精心既挑選後，我地就揀咗位於太子新開既大紅袍食靚料邊爐。大紅袍的店面和裝修都是以紅色和黑色作主調，裝潢亦較一般火鍋店較精緻，環境氣氛都很特別，整體都是很連貫。店員的人數比例也是高的，而且很敏銳，輕輕一望已經知道客人需要幫忙。尤其在下單時，他們會主動介紹餐廳不同鍋底，當日最新鮮的海鮮等。對於我們這些第一次光顧的客人，的確能夠大大幫助我們去揀選最適合自己的食材。一坐低，小菜同醬料盒已經馬上送上。除咗一般常見既調味料，我第一次見餐廳會準備乾葱油，佢係有d類似台灣葱油拌麵果種油。加少少落d豉油度，已經可以將成個層次upgrade。由於今次係慶祝生日的關係，朋友確認我可以自由選擇喜歡的食材，價錢不用擔心。OMG, 這個真是一份很邪惡的禮物。😂基於我們本來都不是太餓的關係，我們決定簡單要個醉雞鍋，三文魚牡丹蝦刺身，白鱔片和娃娃菜就夠了
大紅袍的店面和裝修都是以紅色和黑色作主調，裝潢亦較一般火鍋店較精緻，環境氣氛都很特別，整體都是很連貫。店員的人數比例也是高的，而且很敏銳，輕輕一望已經知道客人需要幫忙。尤其在下單時，他們會主動介紹餐廳不同鍋底，當日最新鮮的海鮮等。對於我們這些第一次光顧的客人，的確能夠大大幫助我們去揀選最適合自己的食材。
一坐低，小菜同醬料盒已經馬上送上。除咗一般常見既調味料，我第一次見餐廳會準備乾葱油，佢係有d類似台灣葱油拌麵果種油。加少少落d豉油度，已經可以將成個層次upgrade。
由於今次係慶祝生日的關係，朋友確認我可以自由選擇喜歡的食材，價錢不用擔心。OMG, 這個真是一份很邪惡的禮物。😂基於我們本來都不是太餓的關係，我們決定簡單要個醉雞鍋，三文魚牡丹蝦刺身，白鱔片和娃娃菜就夠了。但就在下單時，店員又再推介是日特價的肉蟹，蟶子皇和清酒花甲鍋。本來我就喜歡食海鮮呀，就這樣不按理出牌，我們就突然食咗餐海鮮大餐。而店員知道我當日生日後，更十分慷慨的送我們一份三文魚刺身，十分感謝。
首先出場的是清酒花甲鍋，由於我們有蟹的關係，店員已預先把蟹都放進去，然後點火將海鮮炒香。火一直在蟹上輕輕搖曳著，慢慢清酒的香味也揮發出來，當所有酒精都燒盡時，店員便把豬骨湯倒入，整鍋海鮮湯底便成形。
當整鍋湯都滾起，我們都忍不住要把湯送入口。海鮮的味道到溶到湯裡，非常鮮美。接著便到是日拆蟹時間，肉蟹非常新鮮美味，甜美無比。肉的質感很爽口，一點也不會有鬆散，"梅"的感覺。蟹鉗非常厚肉，口感好好，人間美味。花甲唔算太肥厚，但無沙乾淨都不錯。
刺身夠凍同新鮮，牡丹蝦好爽好甜，齒頰留香。
白鱔肉質結實非常爽口，雖然比較多骨，但依舊美味。個人不喜歡過份肥美的白鱔，因為會太漏。呢度份量都相當足夠，三至四人每人食兩片就剛剛好。
蟶子皇鮮甜到不得了，無沙好大隻。師傅預先清理好曬內臟部位，輕輕滾一滾已經食得。
手切肥牛新鮮但有少少肥膩，好有肉味，蝴蝶切法好靚。脂肪分佈平均d就更好。
埋單計數，絕對唔平，但以海鮮質素黎講，值得。臨走前，介紹肉蟹既待應仲同我地討論番整個用餐體驗，呢一點係我極欣賞。始終唔係人人做到，無呢份心意，係唔會問得出口。我相信佢係覺得能夠將好既食材介紹比客人，而客人又認同，果種滿足感，先係佢工作既動力。
張貼
