影片
更多
2021-06-11
530 瀏覽
火炙魚生薄片沙律$168薄切魚生舖左喺底，再用火槍燒過，上面先至再鋪沙律菜，魚生用咗白身魚，油膩感比較少，反而有種微酸嘅感覺，同上面新鮮嘅沙律菜都幾夾，而且份量唔少，大概都有10篇左右嘅魚生，好適合用來做開胃菜。日式炸白蝦$88白蝦本身用來做刺身嘅話甜度一流，全隻用嚟查都保留到嗰個甜味，而且外皮炸得非常酥脆，又唔會話炸到好乾身，一啲油溢味都冇，作為送酒嘅食物就一流啦。蒜烤豬肋骨$88呢一個嘅份量比我想像中大好多，豬肋骨係半肥瘦，特別有肉香之餘，肉嘅部份燒完出嚟都仲保持住水份，令到咬落去唔會有乾柴嘅感覺，而且味道調校得好適中，唔會過喊，蒜亦帶出咗豬肉嘅香味而調和左佢嘅油膩感。睡蟹意大利飯$208本來嗌呢個最想就係食到到佢用蟹殼裝住嘅意大利飯，不過侍應話呢一個冇咗，都係用返普通碟上，呢一方面有少少失望，不過個意大利飯嘅水準係保持到嘅，用咗南瓜汁去做個底，意大利飯嘅軟硬度好適中，有意大利飯硬喺度，唔會為咗就香港人嘅口味煮到林啤啤。上面嘅蟹膏好大好多，撈埋食每一啖意大利飯都有蟹肉嘅香味喺度。Pan fried cheesecake $68呢一個真係好出色嘅甜品，第一次食好彩有叫，其實真係用酥皮
火炙魚生薄片沙律$168
薄切魚生舖左喺底，再用火槍燒過，上面先至再鋪沙律菜，魚生用咗白身魚，油膩感比較少，反而有種微酸嘅感覺，同上面新鮮嘅沙律菜都幾夾，而且份量唔少，大概都有10篇左右嘅魚生，好適合用來做開胃菜。
日式炸白蝦$88
白蝦本身用來做刺身嘅話甜度一流，全隻用嚟查都保留到嗰個甜味，而且外皮炸得非常酥脆，又唔會話炸到好乾身，一啲油溢味都冇，作為送酒嘅食物就一流啦。
蒜烤豬肋骨$88
呢一個嘅份量比我想像中大好多，豬肋骨係半肥瘦，特別有肉香之餘，肉嘅部份燒完出嚟都仲保持住水份，令到咬落去唔會有乾柴嘅感覺，而且味道調校得好適中，唔會過喊，蒜亦帶出咗豬肉嘅香味而調和左佢嘅油膩感。
睡蟹意大利飯$208
本來嗌呢個最想就係食到到佢用蟹殼裝住嘅意大利飯，不過侍應話呢一個冇咗，都係用返普通碟上，呢一方面有少少失望，不過個意大利飯嘅水準係保持到嘅，用咗南瓜汁去做個底，意大利飯嘅軟硬度好適中，有意大利飯硬喺度，唔會為咗就香港人嘅口味煮到林啤啤。上面嘅蟹膏好大好多，撈埋食每一啖意大利飯都有蟹肉嘅香味喺度。
Pan fried cheesecake $68
呢一個真係好出色嘅甜品，第一次食好彩有叫，其實真係用酥皮包住左個cheesecake再攞去煎，難得嘅係出面嘅酥皮好香脆，但係裏面嘅芝士餅中保持佢嘅形狀冇溶到，成個質感好有趣，絕對值得一試。
Coconut cream brulee $68
以為係普通嘅焦糖燉蛋就錯喇，蝕到落底會發現佢特登用刀刮過個椰殼，令到椰子肉嘅味道滲左落去個燉蛋嗰度，每一啖都有椰子嘅味道，都係一款好出色嘅甜品。
張貼
