Cs' Bakery

營業中

休息中

今日落大雨都黎呢一度食午餐，這間的前身只係買曲奇餅，後來變成而家咁，有埋座位供應可以係度用膳，不過由於舖頭都幾細，所以只係有三張枱同埋一張長的枱，大約可以共十個人坐。每一個餐跟一杯飲品，套餐包咖啡或者檸檬茶，如果唔想飲以上的，可以補差價揀自己想飲的餐茶。套餐多數係意粉。全日早餐除咗牛油果好食，其中有一塊好多果仁個塊麵包都好味，唔會乾，雖然唔係熱但食到新鮮，仲有個牛油係一個玫瑰花，幾靚呀!整份餐整得好有心機，雞蛋都好香好滑。檸檬紅茶唔會苦苦澀澀又唔會太酸。蒜香銀魚蜆肉意粉蜆肉新鮮冇沙，啲意粉煮得有少少硬身，口感適中，再加埋香草味足夠。原味千層蛋糕忌廉過多，奶味較重。