Cs' Bakery

🍴 西灣河後街食記：早到先有得食嘅甜蜜~~西灣河後街的餐廳向來人氣旺盛，座位有限。要早到排隊，如果唔係就無架啦! 好在有朋友趁早入座，先可以入到去。相信呢間cafe 招牌係蛋糕—— 蛋糕外觀精緻，要多嘅朋友預早揀定味落訂啦!🍝 意粉 pasta：醬汁濃郁, 份量飽足主食方面，意粉。醬汁濃郁 creamy，掛麵都均勻geh , 上面係煙三文魚。食完有種滿足同飽足感。☕ 咖啡拉花：視覺同味覺都雙重享受咖啡方面亦不馬虎，拉花效果令人眼前一亮，細緻、有藝術感。配合香濃口感，啱晒我friend 打卡同晏就飲返杯咖啡。📍 總結西灣河後街呢間小店，雖然座位有限，都可以試下蛋糕。加埋咖啡 weekend 完美收尾。建議大家早d到場，否則真係會「咩都無晒」！…查看更多

店細細 溫馨 但真係無能為力排咗20分鐘隊有位 坐低咗之睇完menu出counter嗌嘢食出去嗌burger 無再嗌all day breakfast 又無….求其嗌啦 都等咗廿分鐘咖啡係good嘅 等十幾分鐘就有上菜就等咗廿幾分鐘 嘢食係ok嘅唔係唔支持 但諗清楚自己嘅接受程度先再作消費啦 Time cost 都係cost…查看更多

《Cs' Bakery》是日本來係嚟食早餐、但嚟到過咗11：30am。好彩一心係想食全日早餐、All Day Breakfast 係All Day same price, 呢款午餐同早餐一模一樣咁就冇問題喇。入店都九成滿好彩仲有一張枱、之後啲人食完早餐陸續離開就鬆動番少少。一入嚟個感覺係重Bakery 概念 (尤其餅乾）多過係一間咖啡店（雖然見過啲好特別嘅拉花相）個廚房好似好大、可能仲大過店面？【 All Day Breakfast 】正常賣相、比較深刻印象嘅係啲菇類、菇好有菇味。第二係個酸種包、脆口「插插」聲、而且有啲葡萄乾、橙橘乾之類釀咗入去、誠意度加分、另外牛油果醬亦都好唔錯、好食健康之餘又可當搽麵包用。格硬話普通嘅可以話係啲菜、火腿腸可以再升級啲、但咁做可能亦會將貨就價、因為呢個餐係包飲品、杯美式咖啡都要廿幾卅蚊。所以依家呢個狀況實屬滿意。【 Americano 】(set drink)正如之前所講、第一印象係間著重曲奇餅、麵包之類嘅食店、我係估唔到杯咖啡係咁出色。齋啡飲過無數次、出面好多美式做得好唔掂、所以平時只會叫Long Black、呢杯第一啖已經係覺得好嘢嚟。厚身嘅crema、媲美Long Black、啡味香濃至極得嚟又未到苦。除咗好嘅豆、有可能同佢哋用靚咖啡機有關、以美式咖啡呢個範疇、我覺得可以俾佢5✰呢杯餐飲啡俾到我驚喜。…查看更多

今日專登約個朋友避開lunch時間早少少去到Cafe嗰度，因為好想老闆娘同我整隻可愛嘅公仔喺咖啡度呀~點知一去到11點未到都咁多人~都唔好意思開口好彩最後老闆娘都幫我哋真係好開心~多謝晒老闆娘~真係畫得超可愛飲完之後心情都大好🥰💕 …查看更多

以前成日係到買蛋糕 因為真係好好食🥺自從佢無推出蛋糕後 我就一直留意住佢地幾時會出返🤣宜家終於推出返 超期待😚但比較可惜嘅係佢地嘅蛋糕並唔係每一款都有 要睇下個日嘅availability🥺❣️蒜香欖油日式豬軟骨意粉 ($98)調味適中 味道不過不失 驚艷嘅位係有西蘭花🥦仲要都幾入味😋但感覺豬軟骨同意粉唔太夾😂❣️蒲燒鰻魚滑蛋龍蝦汁意粉 ($108)分開嚟食係各有千秋嘅😂但夾埋一齊食就唔太夾ಥ_ಥ 鰻魚同龍蝦汁都係比較濃味 所以味道有少少撞咗 如果係蒜香或者忌廉可能會好啲 咁就唔會搶咗鰻魚嘅味道(˶‾᷄ ⁻̫ ‾᷅˵)鰻魚肥美肉厚而且無咩骨 肉質鮮嫩可口 配上燒汁同埋嫩滑炒蛋 感覺都幾啱送飯😂至於意粉口感煙韌彈牙 而且都幾掛汁 龍蝦汁味都幾濃❣️熱焦糖鮮奶咖啡 (set +$25)反而咖啡有驚喜🫶🏻有淡淡焦糖味 亦唔會太甜 仲有隻角落生物係上面 好岩打卡(˶‾᷄ ⁻̫ ‾᷅˵)❣️ 58% Chocolate truffle cake ($55)❣️ Tiramisu Cup ($55)不得不說 佢地嘅蛋糕真係好出色🥺我地三個人唔小心食咗三個🫢佢地嘅朱古力蛋糕入口超順滑 口感層次分明蛋糕體綿密 朱古力味超濃郁 每食一啖都好幸福🥺❣️整體感覺意粉質素還可以 比較驚喜嘅係佢哋嘅咖啡同蛋糕推薦指數：🌟🌟🌟🌟【𝐏𝐫𝐢𝐜𝐞: 3.8/5 𝐅𝐨𝐨𝐝: 4.3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.1/5】…查看更多

西灣河本區特色小店賣少見少，而且同類型cafe 更是不多，作為一個街坊，Cs 係本人經常幫襯食店之一雖然已經開業多年，但食物質素仲可以保持，而且不定期有新菜式，難得難得今日下晝點了 意粉，甜品 加 凍coffee，一如既保持水準貓耳朵份量不少，有少少辣，比起肉醬意粉更好味更開胃，星期六日大部分甜品一早已售完，好彩今日還有 Creme Burlee ，其中至愛甜品之一食物推介: all day breakfast (太晏去，多數就賣完)，pizza，貓耳朵，蟹肉牛油果意粉 甜品推介: tiramisu…查看更多

一間會令我特登跨區幫襯嘅小店，店面真係好細，好多時閒日lunch 時候都要排隊。食物方便，首推意粉，意粉煮得剛好，之前食過鰻魚滑蛋意粉🤤今年2024第一餐出街食就揀咗佢去呢度，今次就試貓耳朵（Orecchiette),都係果句，好味😋 但略嫌醬汁多咗dd,食到後尾會有啲"漏",呢度每杯咖啡都有人手繪花，時有不同，有心思，雖然咖啡未算特別出眾，但亦算不錯，如果可以再熱多dd 就好。另外佢地都有手工曲奇買，前後試過幾款，個人喜好朱古力曲奇😋 係比較貴咗d, 但間中一包都ok 嘅。…查看更多

今日買早餐外賣，呢間野之前都食過，好貴但又其實好普通，不過貪就腳，所以久唔久都會幫襯下，因為本身鍾意食煙三文魚and牛油果，所以叫左個K.餐 - Cs'全日精選早餐，呢個餐岩晒～點知返到屋企，都唔講好唔好食，居然無左兩樣野---就係煙三文魚and牛油果！下？無諗野呀？$108一個早餐俾少兩樣野？仲要係最貴最好味果兩樣！咁樣都俾得客，間舖D人係咪發緊夢？！不如淨係俾個吉盒客啦！出色！以後唔會再幫襯！！！亦都絕對唔建議大家幫襯！！！！！！！！！！！！！！！！！！！！！！！！！！！！！！…查看更多

去開西灣河 ...順路去埋呢間 bookmark 咗好耐的 cafe 食個晏 我就係衝著呢杯咁可愛的卡通公仔咖啡而嚟 據聞呢間小店都幾旺場店內座位不多，好似得 4張2人枱，4個單人位所以特登避開繁忙時間，嚟食個 late lunch 下午茶的選擇都幾多 ~~點了份 。蕃茄肉醬意粉 HK$68意粉份量都不少，意粉煮至啱啱好加上酸酸甜甜的蕃茄肉醬，食起來佷開胃 飲品就配了杯愛飲的 。Flat White +HK$20咖啡上面有個好可愛嘅卡通畫花 是角落生物炸蝦尾，仲配埋隻好得意嘅貓貓匙羮 好睇又好飲，非常療癒 ** 以上分享是以我的口味、體質和情況作出分享及感受，一試 / 合用與否請自行決定…查看更多

呢間舖頭細細，但係環境好好，淺藍色嘅裝修，白色嘅枱凳，成個感覺好舒服，叫咗杯咖啡，好有驚喜喎，竟然拉埋花，意粉好好食，係等得耐咗少少，呢間小店長期都有人排隊，下次要預早少少黎…查看更多

西灣河同類型清新cafe不多，作為附近街坊，有時心情悶悶的，便想過來吃個All Day Breakfast當brunch!小店位置有限，11:30前人不多，可馬上入座。這次點了健怡全日早餐，雜菌炒得非常香，滑蛋生熟度剛好。健怡早餐與精選早餐的分別是以燕麥堅果乾乳酪杯取代煎香腸與火腿，十分飽肚。在仍微暖的麵包上塗抹牛油果醬和煙三文魚，非常滿足的一餐。跟餐的熱檸水有丁點兒苦，下次可能會點凍檸茶少冰，或者加錢轉特飲，讓這早午餐更圓滿！…查看更多

週末四圍找好去處，我卻漫不經意走到這間隱世餐廳，店舖地方是小小的，鋪內只有十多個座位，點餐也是要走到收銀處落單，招呼也不算太好。細心看牆上的布置，實在也不錯，店舖內放了很多貓貓的畫作和擺設，看得出老闆多用心。過了一會兒，端上一碟黑松露雜菌意粉，裏面醬汁好正，有濃郁的芝士和忌廉，味道也不錯。餐飲我叫了latte,果然有驚喜。我的朋友喜歡貓貓，在店舖的角落拍照，也很喜歡老闆給她的latte最後，看到身旁的食客點了雜菌蘑菇湯，看來也不錯，期望下一次可以試吓…查看更多

上網見到有一間咖啡店，拉花做得好唔同嘅圖案，我就專程去咗西灣河嚟試吓😎😎。入到去嘅時候，發現呢間餐廳有種親切嘅家庭式咖啡店感覺，裡面擺滿咗好多裝飾同埋公仔😚。⭐️ Latte佢嘅Latte真係好可愛，拉花嘅外框用朱古力繪畫🤤🤤，臉部就用白色嘅泡沫，再加上一個朱古力福字🤩。可以睇得出嚟沖呢杯咖啡嘅師傅好有美術天份😻😻。作為一個外嚟嘅人，我都見到好多街坊客嚟呢度享受咖啡☕️ ☕️ ，同埋彼此傾吓偈講吓近況，氣氛真係好好👍🏻👍🏻。🧚‍♂️ 如果你有興趣去呢度，要留意佢嘅營業時間。佢星期日係休息嘅，而星期二至日，喺下午五點就會閂門😛。🍄 總括嚟講如果我想喺西灣河附近搵一間舒適嘅咖啡店，又想影張靚靚嘅拉花咖啡打卡🥹，呢間咖啡店絕對係個好選擇😇😇。📍 Cs' Bakery西灣河西灣河街100號安業大廈地下A1號舖Shop A1, G/F, On Yip Building, 100 Sai Wan Ho Street, Sai Wan Ho…查看更多

今日一個人食晏，打算搵間多人一齊去會難搵位的店試試。餐廳座位不多，有12個座位（4個bar檯位、4張2人檯），需預時間等位。1點鬆啲到達時前面有一人在等位，到我入座大約等15分鐘。邊等位邊諗定叫乜好。加$25點了是日餐湯—蘑菇湯。濃滑，又不會太膩，蘑菇粒很幼細。Lunch set蟹肉牛油果意粉：蟹肉、意粉及醬汁都足量，牛油果粒混忌廉白汁味道相宜。感到擺盤有用心。配set加$20點了Flat white。狗狗拉花可愛，輕柔簡約的畫風挺不錯，味道均衡，不會酸澀。網上有人話店員會問客人咖啡想要什麼拉花，不過冇見問我同其他客人。都沒所謂，唔洗我諗仲好。店員有禮貌，有時間會再去。…查看更多

呢間自從試過一次之後，成日經過都好想食，因為佢個牛油果醬同自家製麵包都好好味我差唔多次次都叫all day breakfast，因為佢嘅牛油果醬唔似有啲舖頭淨係切開或者攪爛咁hea。好多食肆嘅麵包我都唔鍾意食，平時直頭走包，但係佢嘅麵包軟硬濕度適中，麵粉都好香，簡直想要多幾塊（不過食唔晒😅）牛油炒什菇味道永遠剛剛好，炒蛋好靚。feel 到成份all day breakfast 都好有心機整。不過腸油左少少同鹹左少少🤏🏻最鍾意飲佢嘅蜜桃檸檬茶，蜜桃味超突出雖然舖比較細，但係環境幾舒服…查看更多