青花 (THE FOREST)

尋晚同朋友食飯，開始時餐廳亦冇提及時限，我哋叫左4-5碟嘢同飲品，碟上明顯仲有食物但職員問都唔問就收走，我哋話未食完請佢哋放返底，之後我哋未叫埋單，碟上既嘢都未清就放張單叫我哋埋單。成個體驗幾差。食物就大致ok除左咖喱雞好奇怪地有蓮藕，而且質感差，雞肉亦有雪藏味。生菜包腩肉，薄餅，馬拉盞炒芥蘭算好食嘅。飲品部分算幾新奇，味道亦ok.我哋睇返張單，用餐大約90分鐘，其實要我哋交檯都合理，但我哋坐低大約一個鐘就開始逐步清檯行動就有啲過分，所決不再幫襯。