醬缸韓國料理

營業中

休息中

之前呢間餐廳要預約，如果唔係walk in會大排長龍，但最近食就唔使等，而且平日嚟餐廳都大概坐左半成左右。餐廳以醬油蟹出名，所以我都叫咗嚟試下。一份$348有兩隻蟹，可能呢個時間食蟹唔當造，並不是好大隻而且都唔係好多蟹膏。醬油味道帶甜，雖然蟹肉都好入味，但仍然有少少腥，但送飯食都唔錯。跟蟹送咗一碗紫菜飯，可能紫菜本身帶鹹味，配上醬油食就略嫌有點鹹。CP值不算好高。人蔘雞湯冇乜人蔘味，而且雞湯冇太多調味，如果唔加鹽同胡椒粉，就會好清淡，略嫌失望。炒粉絲味道正常，有好多椰菜，口感爽脆。店舖不少侍應都會講韓文，相信係韓國人而且鋪頭嘅環境都道地嘅感覺，但整體價錢偏貴，令人對食物期望會較高，但對我嚟講食物質素只是正常。