Poking

要保持個人健康，身型又要靚，食當然要有返咁上下健康啦，戒左汽水凍飲好多年lu，呢排見Poke呢類型舖頭愈開愈多，見今日路過上環就要黎食下先，門面雖然係橫街，但一啲都唔難搵，望埋去比起四週既小店明顯有將佢改造成清新怡人既裝修，店舖雖然唔大，但係坐得尚算舒適，岩岩坐底店員就提供小籃仔比我地放袋，細心之處要加分，呢度應該主力做平日中午至收工呢段時間生意，逢星期日佢係休息同平日都收得早，想黎既就要夾岩時間喇，唔係夜左可能佢已經打烊。食物方面，清新健康食物主打Bowl，款式唔多，但你可以按自所需揀想要既配料加落去，飯方面可以揀壽司飯、糙米飯、半飯配半沙律菜，醬都可以揀份量，一切都可以隨心所慾去選擇，同女友黎食，兩碗野一上枱就已經比佢既顏色同擺盤吸引左，明顯有花過心意既放置，欣賞！Salmon The Classic $108三文魚新鮮可口、牛油果本身已經健康，加左入Bowl更加好味醒胃、青瓜青葱檸同啲調味醬油配搭出色，我揀左半糙米半沙律菜係呢碗，口感一流，味道認真唔錯，不過男仔齋食一碗未必全飽，可以加多啲Topping或者食埋個甜品更好Creamy Baby $118(三文魚、牛油果、雞蛋絲、豆