Library Restaurant and Bar

營業中

休息中

最近都常係ig 見到朋友去Library Restaurant and Bar 打卡，餐廳既戶外用餐區背景正正係位於尖沙咀既清真寺，充滿異國風情而室內用餐區就運用燈光同色調去襯托出型格風。環境令人眼前一亮之餘，食物質素都令我地非常滿意。 當晚我地點了三樣美食，首先上枱既松露醬炸薯條($68) 香氣撲鼻，炸得金黃色的香脆薯條配合綿綿既芝士碎，無論口感定味道都令人讚不絕口。忌廉白酒煮藍青口 ($168) 味道香濃，忌廉汁好creamy，藍青口夠鮮味，肉質肥大，一份大約有十隻，二人分享就夠滿足另外可以用伴碟既吐司沾上忌廉白酒汁，就可以優雅地品嚐美味既精華。主食烤豬鞍配忌廉汁炒香菇 ($248) 令人回味，烤豬鞍肉質非常軟滑，炒香菇香味點綴肉味，連伴碟薯蓉都值得欣賞，非常細滑， 淡淡牛油香令人不禁多嚐幾口。碰巧用餐當天遇上大雨，餐廳用透明膠帳篷遮擋戶外用餐區，即使坐在室外，也不用擔心被雨水濺濕。