Nara Thai Cuisine (新城市廣場一期)

營業中

休息中

Nara係泰國好出名嘅餐廳，香港分店午市時段有lunch set，環境座位都幾舒服。午市好多人，比較嘈雜。職員好有禮貌招呼入座，午市套餐係一整個餐盤上，賣相好靚。泰式和牛船麵 - 講真味道係幾好，但湯太少，河粉好快已經熟晒兼黐埋一舊。生熟牛肉同牛丸嘅味道都幾好，不過牛丸唔夠熱，只能夠用暖黎形容。泰式豬肉炒河粉 - 豬肉唔鞋口，河粉係大塊嘅泰式河粉，味道幾，不過又係衰在唔夠熱。午餐送泰式肉碎沙律及湯 - 椰子雞湯過咸又太杰，唔推介。反而泰式沙律味道酸酸辣辣，惹味醒胃幾唔錯。百幾蚊一個lunch，如果想食環境嘅係唔錯嘅選擇。但如果你係想食同等CP值嘅食物，咁可能你要搵過第二間。