西塔老太太烤肉拌飯 (新都城中心二期)

營業中

休息中

{西塔老太太二人餐 - $405}最近將軍澳區越嚟越多老太太😂除咗坑口嘅上海婆婆同埋泰國婆，寶林最近再嚟一個西塔老太太，主打韓式燒烤拌飯！二人餐性價比唔錯，值得一戰！坐低冇幾耐先嚟唔同嘅前菜同埋海帶湯，前菜幾好食，海帶湯都超級足料！打開本麻甩的味蕾！♦️老太太特色肥牛但係有少少的筋膜，肥瘦適中，烤起來火氣十足，配搭秘製的牛肉麻醬，味道一流！♦️厚切三筋肉脂肪分布均勻，厚切得來嚟有肉肉的快感！用生菜包埋一齊食，本麻甩可以食六碟😏♦️香甕鳳梨牛肋條賣相一流，真係用原個鳳梨裝住牛肋條，牛肋條有鳳梨汁醃製之後，肉質鮮嫩多汁，係成晚最好味嘅一碟！食完美味嘅牛肉仲可以烤埋啲菠蘿食！♦️秘製雞腿肉雞腿肉肥美嫩滑，醃料製作非常入味，烤起來令雞皮變得酥脆，值得一戰！♦️秘製豬頸肉烤肉除咗用牛肉之外，豬頸肉實在不可或缺，雄雄的烈火將豬頸肉燒至金黃色，咬起來有勁，豬肉的油脂亦充滿邪惡感！♦️杏鮑菇薄片杏鮑菇，快速用火燒一燒，塗上醬汁，超好味！餐廳整體坐得好闊落，通風系統都唔錯，將會係將軍澳區烤肉大戰嘅必到之處！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍📍#西塔老太太烤肉拌飯 (將軍澳