西塔老太太烤肉拌飯 (新都城中心二期)

將軍澳搵食嘅朋友注意喇～ 想食高質韓式烤肉拌飯？「西塔老太太」絕對係你杯茶！我親試完，豬頸肉同西塔特色肥牛真係要點名狂推，食過翻尋味啊！ 必食推介 1：炭燒豬頸肉（招牌之選！）爽脆彈牙唔油膩！老師傅刀工靚，切到厚度剛剛好，炭火一燒「滋滋聲」香到暈～秘製醬汁醃足鐘數，微甜帶蒜香，咬落爆肉汁仲有焦邊脆口，正到痺！配飯神隊友：撈埋流心蛋+泡菜+紫菜碎，一啖飯一啖肉，滿足感直衝天花板✨→ 真心話：百零蚊份量夠2-3人分享，CP值爆燈！必食推介 2：西塔特色肥牛（食肉獸天堂！）油脂分布靚到好似雪花咁 師傅即場炭烤，火候控到「外焦內嫩」，入口即溶唔誇張！獨門肥牛醬汁帶果香，減油膩感之餘仲提鮮，夾生菜包住食... 哇，昇華啊！拌飯精髓所在：將烤肉連埋靈魂「韓式辣醬+麻油飯」瘋狂撈勻，鹹香辣三擊，食到舔碗→ 貼士：轉芝士瀑布飯，拉絲視覺+邪惡度Double！整體評價環境：將軍澳店新裝修，抽風勁唔會油煙攻身，卡位闊落坐得舒服～服務：阿姐好Nice幫手燒，唔怕自己燒燶「豬頸肉爽脆惹味，肥牛脂香爆炸！拌飯控+烤肉迷——呢個combo你絕對忍唔到口！」…查看更多

今日同朋友去咗將軍澳新都城二期呢間西塔老太太，試咗佢哋主打嘅烤肉拌飯，真心要同大家分享下！一入到去已經聞到好香烤肉味，個環境幾乾淨光猛，坐得幾舒服。佢哋個烤肉拌飯真係冇得頂！我揀咗肥牛同豬肉雙拼，啲肉醃得夠晒味，帶少少甜香，烤到微微焦脆，但又keep到肉汁，唔會乾爭爭。最正係佢哋嘅獨門麻醬，濃稠又香滑，撈勻啲飯真係停唔到口！配料都好豐富，有青瓜絲、蘿蔔絲、芽菜同埋隻靚太陽蛋，撈埋一齊食，口感層次超多。每啖都有齊肉香、麻醬同清爽蔬菜，完全唔會覺得膩。個飯份量十足，女仔可能食唔晒，男仔就啱啱好飽肚。另外叫咗串羊肉串，孜然味好出，肉質嫩滑唔羶，值得加單！整體來講，呢間絕對係將軍澳區內值得encore嘅食店，如果你鍾意濃味又飽肚嘅拌飯，一定要嚟試下！…查看更多

話說中午突然間好想食燒肉，就入去試吓啦。14:47坐低點餐叫完野食，食埋最後一啖牛。有個男人走嚟我面前同我講句，唔好意思請埋單。坦白講，你叫我埋單嘅時間係15:07呀。正常人都未食完啦，我問佢係咪落場佢話唔係。我問咁如果我繼續叫野食得唔得，佢話可以隨便食。其實如果趕時間，我唔介意去第二間食，但下次人哋入去之前唔該講聲，20分鐘要埋單。下次情願去第間食都唔會再去食，都唔明點解唔一早同人講，落場又好、點餐後要埋單都好，但偏偏要人哋食到最後一口叫人埋單。係咪認定人哋唔會再點餐下單？…查看更多

同舖頭名一樣，西塔老太太烤肉都真係行親民路線。唔單只係價錢啦，服務 style都係。話說我一開始搵唔到間舖頭，打電話俾我早到個friend問路。跟住啲電源已經企喺門口嗰度，尋找一個迷失嘅羔羊🐑🤣 為我引路。入到去服務態度都幾好，經理主動幫我哋燒咗飯佢覺得好難燒得好，好容易燒燶嘅雞扒；仲幫我哋展開埋。其中有樣幾吸引嘅就係佢嘅芝麻醬。平時香港人接觸得最多嘅應該係日式嘅煎培胡麻醬，但佢嘅芝麻醬有種幾 raw 嘅口感。雖然感覺唔係行幼滑嘅路線，但係入口就有種微酸、甜甜的口感。講起酸酸甜甜口感，香甕鳳梨牛肋條都幾值得叫。牛肋條可以話係成餐飯裏面我最鍾意嘅肉，肉質夠腍，肉味都比較濃，所以可能就係要配搭菠蘿一齊食嘅原因🍍 菠蘿嘅份量都夠多，可以配搭埋其他order嘅肉都夠做。最後講一個佢哋嘅特色就係有個叫風乾腸嘅嘢，可能就係亞洲版嘅Salami 似係比較軟身嘅腸仔，但煙燻同埋風乾肉味都重…查看更多

在深圳吃過一次，戀戀不忘。但是在香港這家非常失望。價錢方面還是比較划算。不知道是不是午市問題，最特色的烤肉醬料沒有，我想來吃就是因為這個醬料。讓這個烤肉變得平凡無奇。送的前菜也是，只有兩樣，沒有土豆泥。不知道晚市會不會好一點。單這是午市體驗，整體一般，不推薦，想吃點好的，改善伙食的可以考慮選擇其他餐廳。如果想吃飽便宜的這家可以滿足。…查看更多

最近我和朋友終於來到了一家期待已久的燒肉餐廳。這次我們選擇了坐在舒適的卡位，還訂了二人套餐，因為朋友吃得比較多，所以我們還加了一碗白飯。上菜速度真是快，點完菜後不久就全部上齊了。裡面最吸引我的就是老太太特色肥牛，肉質豐富且多汁，配上適合的調味，真的是一口接一口。還有秘制雞爽肉，味道鮮美，雞腿肉嫩滑，讓人一試成主顧。香烤鳳梨肋排則特別，鳳梨的甜味和豬肋排的鹹香融合在一起，口感真的很驚喜。至於秘制豬頸肉，油脂適中，香滑可口，讓人忍不住想再來一份。我們還點了海帶湯，湯底清淡鮮美，海鮮的新鮮味道非常好，喝上一口讓人感覺很舒服。吃了這麼多肉，鳳梨肋排的酸甜味道剛好平衡，不會覺得油膩。總之，這間燒肉餐廳的肉質和份量都很不錯，以後想吃燒肉的時候，我一定會再回來！每道菜都展現了獨特的風味，真的讓人感到很滿足，值得推薦！…查看更多

作為食肉獸，今次同朋友食嘅西塔二人套餐（$368）燒烤簡直就係paradise老太太特色肥牛🍖首先要提到的就是老太太特色肥牛。牛肉肉質鮮嫩，輕輕一煮就已經好有肉汁。搭配他們的特製醬料，味道更加升華香甕鳳梨牛肋條🍍用鳳梨嘅搭配，令到牛肋條的味道更加豐富。肉質軟嫩，口感香甜，鳳梨的酸味則完美中和了肉的油膩感😋😋三筋肉（厚切）🥓三筋肉肉質非常有嚼勁，肥瘦相間，調味亦都很到位秘制雞爽肉🍗秘制雞爽肉鮮嫩多汁，醃製得恰到好處，味道濃郁烤杏鮑菇🍄‍🟫烤杏鮑菇的香氣撲鼻而來，搭配上特製的醬汁，清爽，正好平衡了其他肉類的重口味🪄秘制豬頸肉🥓秘制豬頸肉的口感同樣不錯，肉質鮮嫩，油脂分布均勻👍海帶湯🥣海帶湯清淡可口，特別適合在享用重口味的肉類後，來一碗暖心的湯品喜沛多多🍨喜沛多多則為整頓飯畫上完美的句號，口感柔軟，甜而不膩…查看更多

西塔熱銷二人餐呢個西塔熱銷二人餐真係好抵食，$368就可以享受到咁多美味。首先，醬料有兩款，無論你偏好咩口味，都可以滿足你嘅需求。講到主菜，老太太特色肥牛真係唔可以錯過，肉質鮮嫩，加上秘制醬料，令人一試成主顧。秘制雞爽肉都唔遑多讓，外脆內嫩，每一口都令人回味無窮。香瓮鳳梨肋條則係一大亮點，搭配鳳梨嘅酸甜，令整個菜式更加清新。再加上喜柿多多，兩件嘅份量亦都啱啱好，口感滑溜，食落去特別開心。三筋肉（厚助）同埋烤杏鮑菇都非常好味，三筋肉嘅肥瘦比例剛好，而杏鮑菇烤到香脆，味道超級惹味。最後，海帶湯清熱解膩，完美作為一餐嘅結尾。總括而言，呢個二人餐真係性價比高，食材新鮮，味道一流，真係好推介！下次想約朋友一齊食，呢個選擇絕對唔會錯！…查看更多

天氣突然轉涼了，想食啲熱辣辣既野，今日就黎到新都城中心的西塔老太太烤肉拌飯，餐廳座位闊落舒適，環境都幾乾淨。我地今日點了熱銷二人餐，餐廳會先上多款前菜（有沙律菜、中華海帶、醃蘿蔔、薯仔蓉）,各款肉類，白飯，最後是甜品。老太太特色肥牛肥瘦比例好好，油花均勻，入口即溶。另外鳳梨肋條相當特別，除了有好吃的肋條，還有大大片的鳳梨，燒完的鳳梨片香甜清新，解膩一流。厚切三筋肉肉汁豐富，淡淡肉有嚼勁！風乾香腸燒完會變脆皮，一口一啖，方便又好味😋秘制豬頸肉，有層次，燒完配上韓式辣醬，蒜頭，以生菜包黎食。秘制雞腿肉是大大塊一整片雞腿肉，嫰滑惹味，醃製出色，而且還有杏鮑菇作為點綴，杏鮑菇燒完口感爽脆，健康清新。最後仲有甜品喜柿多多，外型特別，味道軟糯香甜非常好味。餐廳整體都很不錯，價錢公道，可以一試👍🏻👍🏻…查看更多

今晚同朋友去咗呢間 西塔老太太 試吓佢個二人餐，估唔到又幾有驚喜，個套餐勁多嘢食，兩個人食到超飽。必讚係佢嘅肉類，樣樣都醃得好夠味且好好味。首先「特色肥牛」真係名不虛傳，油脂分布靚，肥瘦均勻，入口又嫩又香，好正。「香饗鳳梨牛肋條」好有創意，牛肋條本身好有嚼勁，鳳梨嘅甜味同佢幾夾，加上兩者一齊烤，多咗份果香，解膩又開胃。「三筋肉」厚切夠嚼勁，肉味濃郁，越嚼越香。「秘制豬頸肉」好有嚼頭，咬落去好有彈性，啱哂鍾意有咬口嘅人。「雞腿肉」非常嫩滑，點埋佢地自家嘅秘制醬汁，更加惹味，餸飯一流！除咗肉，個「烤杏鮑菇」都唔錯，鮮香爽嫩。「海帶湯」清清地好鮮甜，飲完好舒服。甜品「喜沛多多」就更有特色，賣相好吸引，靚到有啲唔捨得食，甜甜地且咬落好軟糯，口感豐富。服務員好Nice，上菜速度快，座位寬濶，性價比高，整體好滿意，推介大家去試吓！…查看更多

寶琳新都城二期中庭隔籬就係呢間西塔老太太燒肉，有個熱銷二人餐有多款燒肉、野菜，仲有埋海帶湯同甜品，原價$568 ，特價只需$368 ，感覺三人都夠食🤭 而餐廳午市亦有提供$52起免加一韓式午市套餐，正宗豐儉由人我哋想食好啲就叫咗二人餐，厚切三筋肉用汁燒好香甜，質地仲好嫩滑；鳳梨肋條都好出色，肉質有着勁，用鳳梨果殼裝住，酸酸甜甜好開胃烤肉亦配有生菜，包住食更解膩。海帶湯足料大大碗鹹鹹地好暖胃。喜柿多多係一個柿形類似大福嘅甜品，入面係非常軟滑嘅忌廉，但食落唔會太膩，大福皮煙煙韌韌，食完好圓滿…查看更多

喺寶琳嘅「西塔老太太烤肉」，氣氛熱鬧，座位多，性價比高，最啱擦餐勁😋今次食咗佢哋嘅「西塔熱銷二人餐」，份量啱啱好，菜式設計得好全面先講老太太特色肥牛，油脂分佈靚，落到鐵網上燒嘅時候，牛油脂慢慢滲出，香氣四散。入口軟嫩又帶少少嚼勁，沾少少醬汁已經好突出。香甕鳳梨牛肋條就更加特別，牛肋條厚身有咬口，鳳梨嘅果香同酸度滲入去，令牛味更加鮮明，食落唔會覺得膩。 三筋肉（厚切）就係成餐嘅霸氣之選，厚切令口感更加實在，燒完鎖住肉汁，咬落去油脂香同肉香一次過爆發出嚟，好滿足。秘制豬頸肉亦不容忽視，肉質彈牙，醃料帶微甜同香料氣息，燒到表面微焦，更加惹味。 秘制雞腿肉亦係亮點，肉質嫩滑，吸收咗調味後燒出嚟鹹香入味，食落去唔單調。 最後嘅海帶湯，清爽解膩，湯底鮮甜，有效平衡咗成餐嘅油香。 「西塔老太太烤肉」食材揀得靚，味道層次豐富，無論係牛、豬定雞，都食得出質素😋…查看更多

每人一份晚餐，牛肉新鮮而且高質，秘製醬汁惹味，食完一碗珍珠米仲有生菜送肉食，價廉物美！服務員殷勤有禮！最重要係餐廳容許外戴飲品！呢一樣嘢好值得香港飲食業學習，整個用餐體驗非常好。…查看更多

我哋終於第一次嚟兩個人，地方乾淨企理寬敞，嘢食種類多價錢合理，我哋嗌咗一個牛肉燒$138，一個牛肉火鍋，因為好多菜，一碟拍青瓜，個燒牛肉肉全部都好好味，火鍋啲菜和牛肉都好新鮮，然後個青瓜都好新鮮，值得再嚟我都會推薦佢俾大家…查看更多

呢日去開寶琳，食飯時間我哋嚟到西塔老太太烤肉😊餐廳空間感都好大，牆壁嘅裝修都好有氣派嘅感覺我哋都好肚餓，所以點左好豐富嘅二人餐佢地小菜都好好食，特別鍾意佢嘅薯仔沙律老太太特色肥牛油香肉香都唔錯，用生菜包住食好好烤杏鮑菇杏鮑菇味道好香，夠多汁，配合燒肉一齊食好好味 鳳梨牛肋條賣相好靚， 新鮮鳳梨香甜多汁，熱熱的同肉一齊燒更顯清甜牛肋條好濃味，高質厚切三筋肉珍貴嘅三筋肉，肉質比較鮮嫩，味道濃厚，正豬頸肉口感唔錯，爽滑嘅感覺雞腿肉啖啖肉好味海帶湯海帶湯味道都幾濃郁，有麻油嘅香味，我鍾意加入埋白飯一齊食湯飯喜沛多多造型好可愛嘅甜品整體嚟講我覺得都食得好滿足，坐得舒服，店員服務都好好。最鍾意係佢抽氣系統做得很不錯，食完呢一餐再去朋友家探朋友都完全唔會話成身燒肉嘅感覺…查看更多