影片
更多
2025-04-11
416 瀏覽
餐廳環境舒適，坐位都好舒服。仲有露天位可以睇住夜景食好西～🐖西班牙烤乳豬 （$398）皮脆肉嫩，脂肪部位入口即溶。外皮燒到薯片咁脆，咬開後裡面肉質夠嫩之餘仲保留到肉汁同滿滿既油香。🍟辣味卡津薯條($78)即叫即炸，上枱時仲熱焫焫，薯條炸得金黃酥脆，口感外面脆裡面鬆化。辣辣地既卡津風味既香料令薯條更加惹味🦑蒜香蕃茄橄欖孜然BB魷魚 （$158）蒜蓉既香味、蕃茄的酸甜味道同香料既味道好夾，魷魚既彈牙口感配埋惹味既醬料，味道好立體🐙慢煮加利西亞式八爪魚腳（$198）八爪魚腳煮得好稔，咬落完全唔會韌。簡單調味已經足夠突出鮮味，配搭橄欖油同煙燻甜椒粉，令風味更濃郁。🍝蟲草花野菌香濃牛油汁手工闊條麵 （$188）闊條麵煙韌有咬口，吸收晒香濃牛油汁，蟲草花養生之餘仲增添左閣條麵既口感，味道同層次都相當豐富🍹TROPICAL WIND（$109）熱帶水果組合，菠蘿、芒果同百香果嘅酸甜味道好平衡，加上牛奶帶來一絲柔滑感，好有夏日風情！口感順滑，味道清新爽口，飲落好舒服。🍸GOLDEN SEACOAST（$108） 橙同百香果的組合帶來清爽嘅酸甜，加上雲呢嗱既香味，整體味道變得更柔和。最後加埋雪碧提升清新
🐖西班牙烤乳豬 （$398）
皮脆肉嫩，脂肪部位入口即溶。外皮燒到薯片咁脆，咬開後裡面肉質夠嫩之餘仲保留到肉汁同滿滿既油香。
🍟辣味卡津薯條($78)
即叫即炸，上枱時仲熱焫焫，薯條炸得金黃酥脆，口感外面脆裡面鬆化。辣辣地既卡津風味既香料令薯條更加惹味
🦑蒜香蕃茄橄欖孜然BB魷魚 （$158）
蒜蓉既香味、蕃茄的酸甜味道同香料既味道好夾，魷魚既彈牙口感配埋惹味既醬料，味道好立體
🐙慢煮加利西亞式八爪魚腳（$198）
八爪魚腳煮得好稔，咬落完全唔會韌。簡單調味已經足夠突出鮮味，配搭橄欖油同煙燻甜椒粉，令風味更濃郁。
🍝蟲草花野菌香濃牛油汁手工闊條麵 （$188）
闊條麵煙韌有咬口，吸收晒香濃牛油汁，蟲草花養生之餘仲增添左閣條麵既口感，味道同層次都相當豐富
🍹TROPICAL WIND（$109）
熱帶水果組合，菠蘿、芒果同百香果嘅酸甜味道好平衡，加上牛奶帶來一絲柔滑感，好有夏日風情！口感順滑，味道清新爽口，飲落好舒服。
🍸GOLDEN SEACOAST（$108）
橙同百香果的組合帶來清爽嘅酸甜，加上雲呢嗱既香味，整體味道變得更柔和。最後加埋雪碧提升清新感，入口好清爽
張貼