泰太廚房

營業中

休息中

一早講左夜晚食泰國菜，於是入咗大美督揀食呢間，去到門口環境唔錯，好泰國，門口仲有架Tuk Tuk ，我哋坐出邊，因為天氣唔係好熱。本身留咗半隻燒乳豬嚟到即刻有得食，皮超級脆，肉好香黑胡椒味，在泰國未食過，可以喺度試吓。另外訂咗隻椰香咖喱炒蟹，蟹有一斤多重，食得出新鮮，已經贏晒，咖喱唔辣，送蒜蓉包或者薄餅一流。另外叫咗個越南小食拼盤，同埋米紙卷，呢度食飯可以叫埋隔籬舖頭越南嘢食，款式多。食物價錢唔算平，不過有質數。順帶一提呢度幾乾淨企理，戶外地方算係做得唔錯。