影片
更多
2018-02-14
6593 瀏覽
友人生日，食自助餐或放題係指定活動！因為朋友嚟呢度食過自助午餐，網上訂位仲有買一送一優惠，食完大讚好食。今次生日飯就決定又嚟大擦一餐，星期一至四晚，成人每位$558，佢係中大校友有九折優惠。呢間咖啡廳就喺沙田凱悅酒店大堂，樓底相當高，枱與枱之間亦好闊落，坐得特別舒服。攞野食位只有四個區域，唔算話好大，可以話係一眼睇晒！一坐低冇耐就有店員敲琴仔：「燉燉燉燈~ 燈凳燈燈~」，原來係溫馨提示，敲琴代表有新野出，跟住就可以去排隊（其實等人攞完先去攞都仲會有嘅，大量供應），全晚會有四次，依次係海膽三文魚子刺身飯、芝士蘑菇焗龍蝦配美國肉眼扒、蠔皇鮑魚扣花膠伴脆米、火焰雪山，我地打長久戰，梗係四款都食晒，仲要係冇限攞幾多次，鍾意食邊樣都可以不斷攞！【海膽三文魚子刺身飯】最好係飯量少，上面冚滿厚厚刺身，好多三文魚子，仲有大大粒海膽。【芝士蘑菇焗龍蝦配美國肉眼扒】美國肉眼好高質，香濃燒烤味，有深深燒烤格紋。我好鍾意食龍蝦，尤其係熱食，又鮮甜又彈牙，加左芝士焗特別香。唔駛拆殼，撩出嚟就得，啖啖肉，仲有爆多龍蝦膏。太鍾意食，即刻去攞多兩件，可以單攞龍蝦，正！【蠔皇鮑魚扣花膠伴脆米】鮑魚唔係大隻，但花膠就好大
呢間咖啡廳就喺沙田凱悅酒店大堂，樓底相當高，枱與枱之間亦好闊落，坐得特別舒服。
攞野食位只有四個區域，唔算話好大，可以話係一眼睇晒！
一坐低冇耐就有店員敲琴仔：「燉燉燉燈~ 燈凳燈燈~」，原來係溫馨提示，敲琴代表有新野出，跟住就可以去排隊（其實等人攞完先去攞都仲會有嘅，大量供應），全晚會有四次，依次係海膽三文魚子刺身飯、芝士蘑菇焗龍蝦配美國肉眼扒、蠔皇鮑魚扣花膠伴脆米、火焰雪山，我地打長久戰，梗係四款都食晒，仲要係冇限攞幾多次，鍾意食邊樣都可以不斷攞！
【海膽三文魚子刺身飯】
最好係飯量少，上面冚滿厚厚刺身，好多三文魚子，仲有大大粒海膽。
【芝士蘑菇焗龍蝦配美國肉眼扒】
美國肉眼好高質，香濃燒烤味，有深深燒烤格紋。
我好鍾意食龍蝦，尤其係熱食，又鮮甜又彈牙，加左芝士焗特別香。唔駛拆殼，撩出嚟就得，啖啖肉，仲有爆多龍蝦膏。太鍾意食，即刻去攞多兩件，可以單攞龍蝦，正！
【蠔皇鮑魚扣花膠伴脆米】
鮑魚唔係大隻，但花膠就好大件，充滿骨膠原，要靚，咁就要食多碗喇！
【火焰雪山】
最後出場，廚師即時淋上點著火嘅酒，可惜現場太光，唔係應該會幾靚。雪山入面係雪葩，味道太甜，但朋友就話好正。
講返其他野食，我鍾意【蟲草花煲水鴨湯】一個巨型大鍋，味道濃郁又滋補，正!
餐飲可以Order返啲普通餐飲，奶茶、檸茶、檸水等……
而咖啡就可以可自己斟，係即磨咖啡機，要咩種類都可以自己選擇。
凍海鮮只有五款，唔算多，但最驚喜係有蝦仁，唔駛自己郁手，有人剝埋蝦殼，好窩心！唔駛等人幫我剝蝦殼都有得食，好有公主feel~
最開心係呢度有好多款甜品，啱晒我呢個甜品迷！因為臨近新年，放置唔少Q版財神，全部都係人手製造，好可愛。
甜品試左好多款都係好好食，我覺得最正係Tiramisu，軟滑香甜又帶好香酒味。仲有即製班戟同窩夫，自己可以任意加生果或雪糕配搭。
連雪糕都有九款口味，好難一次試得晒喎，睇嚟要嚟多幾次先得喇！
張貼
