Chatterbox Café (K11 Musea)

營業中

休息中

平時我好少食新加坡菜，今次去到K11 Musea，竟然有間環境好舒服嘅新加坡菜可以食到喇沙，又可以試到班蘭咖啡。文華海南雞飯（ $133 ）啲雞有咬口啖啖肉，油飯夠味又唔會太油膩，仲配咗一個湯，入面嘅豆腐滑而且重豆味，有啲驚喜。招牌大蝦🍤喇沙（ $169 ）喇沙個湯底真係幾吸引，濃得來又唔會覺得好油膩，每條麵條都掛咗啲湯，大蝦仲有三隻，蝦肉結實爽口。紅莓鮮果🍊梳打（ $46 ）雖然係梳打水，但第一☝🏻下會感受到野莓果汁味。熱斑蘭牛奶咖啡☕️（ $38 ）咖啡我覺得幾好飲，斑蘭牛奶咖啡嘅味好特別，食完嘢嘆杯咖啡傾吓計，好舒服。主食嘅份量啱啱好，今次兩個人去就食唔落甜品🍨喇🥲下次除咗甜品之外，都仲有啲小食想試，最緊要係環境舒服，幾啱同朋友一齊嚟再食。