Vie Won Won (已結業)

生活太苦，需要一點甜！工作太攰要約朋友食飯。今次嚟到呢間喺西環嘅鬼混，個名已經夠特別，餐廳有兩層，裝潢富歐陸風情：菜色亦非常精緻 蟹膏蟹肉燉飯蟹膏同蟹肉好鮮甜，加咗蟹籽增強口感。燉飯煮得好香濃又入味。 桂花糯米釀烤野雞烤雞外皮甜甜哋，仲有淡淡嘅桂花清香。選用細隻雞，肉質嫩滑。配埋薯仔同沙律菜啱啱好。 迷幻蘑菇有驚喜！原來係雪糕，菇頭係雜莓味雪糕，菇身則係芒果味雪糕。酸酸甜甜，非常醒神，仲有陣陣煙燻香氣添。 Pink Lady由葡萄柚、石榴同Vodka調出嚟嘅Pink Lady，入口順滑。用爆炸糖同鹽做rimming，豐富口味，亦有爆炸糖嘅刺激。 Citrus Osmanthus Apple Frappe 桂花金橘蘋果沙冰果味濃郁，落咗桂花瓣，味道芳香。