ATUM Restaurant (已結業)

菜式、擺盤充滿藝術感，裝修行簡約北歐風格，就係想俾你一個欣賞藝術品嘅體驗。整體感覺好舒服，而定價都比較高。火炙香蔥左口魚 魚白湯燉飯 $188左口魚卷入細蔥，火炙後油香更強。燉飯用魚湯燉煮，飯粒用泰國香米，唔夠creamy唔似燉飯，而且調味淡、魚湯唔夠濃。入面有啲蘿蔔粒、枝豆，配搭怪怪的。鮑魚蟹膏醬燉飯 $188鮑魚開半，醬汁醃到好入味，燉飯好creamy，飯粒中心微硬，明顯食到蟹膏鮮味，配埋紅薑漬、蘿白絲，所以唔會太膩，不過面頭嘅紫菜紙感覺怪怪的。