影片
更多
2024-12-21
82 瀏覽
見到同事喺龍鳳牆打卡，先知原來荔枝角有間咁有「老香港味」嘅老荔冰室，一定要去試吓。未入門口已經俾霓虹光管嘅戲棚特色打卡位吸引住，影相一流！滑蛋叉燒飯一道熟悉的家常菜，入口熱辣辣，肉質鬆化夠juicy。炒蛋幼滑creamy，飯粒沾滿蛋漿軟滑黏糯，煙煙韌韌，同帶甜味叉燒一齊食特別滋味。沙嗲牛肉麵+ 沙嗲牛肉炒蛋熱香餅漢堡呢度嘅沙嗲牛肉特別出名，除咗份量大之外，沙嗲牛肉嘅粗粒花生碎，特別有咬口。味道甜甜地，又有少少辣，特別惹味。麵食有太陽蛋，賣相靚，蛋汁撈埋麵一齊食，令麵變更加香滑；熱香餅漢堡，原來係即叫即做，怪不得一路食，蛋香不斷湧上嚟。加埋沙嗲牛肉嘅香味，零舍好食。金莎朱古力流心西多西多士上面鋪滿脆脆朱古力，切開裏面係超濃郁嘅留心榛子朱古力醬。外脆內軟，非常有口感。絕對係邪惡嘅甜品之選。阿華田脆脆火山喜歡脆脆口感嘅，可以點呢款特飲。阿華田味香濃，配埋滿滿嘅朱古力脆脆，滋味猶如火山爆發。椰汁紅豆冰紅豆軟糯，椰汁味香濃，真係喚起我唔少嘅兒時回憶。呢度店員都好friendly, 傾傾吓先發現原來杯碟底隱藏神秘金句同謎語，記得唔好錯過！
滑蛋叉燒飯
一道熟悉的家常菜，入口熱辣辣，肉質鬆化夠juicy。炒蛋幼滑creamy，飯粒沾滿蛋漿軟滑黏糯，煙煙韌韌，同帶甜味叉燒一齊食特別滋味。
沙嗲牛肉麵+ 沙嗲牛肉炒蛋熱香餅漢堡
呢度嘅沙嗲牛肉特別出名，除咗份量大之外，沙嗲牛肉嘅粗粒花生碎，特別有咬口。味道甜甜地，又有少少辣，特別惹味。麵食有太陽蛋，賣相靚，蛋汁撈埋麵一齊食，令麵變更加香滑；熱香餅漢堡，原來係即叫即做，怪不得一路食，蛋香不斷湧上嚟。加埋沙嗲牛肉嘅香味，零舍好食。
金莎朱古力流心西多
西多士上面鋪滿脆脆朱古力，切開裏面係超濃郁嘅留心榛子朱古力醬。外脆內軟，非常有口感。絕對係邪惡嘅甜品之選。
阿華田脆脆火山
喜歡脆脆口感嘅，可以點呢款特飲。阿華田味香濃，配埋滿滿嘅朱古力脆脆，滋味猶如火山爆發。
椰汁紅豆冰
紅豆軟糯，椰汁味香濃，真係喚起我唔少嘅兒時回憶。
呢度店員都好friendly, 傾傾吓先發現原來杯碟底隱藏神秘金句同謎語，記得唔好錯過！
張貼
