Vie Won Won (已結業)

門面落地玻璃既設計，入去之後要經過長長既樓梯，樓梯旁掛住英倫風油畫、鏡子、雕刻，燈光昏暗，彷彿置身於古堡大宅。每個座位都經過精心設計，配合吾同特色吊燈，餐具亦有特色圖案，充满住神秘同埋魅力。Kiwi For All呢款雞尾酒將奇果果、檸檬汁、琴酒、馬提尼酒巧炒咁混合，口感清新，好易入口，岩哂女士飲。薰衣草櫻花薯條(配櫻花甜酸醬)香脆既薯條灑上左薰衣草櫻花調味粉，味道獨特，點埋櫻花甜酸醬，酸酸甜甜。千杯不醉單骨雞翼(配松露醬)用咗紹興酒醃製，令雞肉更鬆軟，雞翼炸至非常鬆脆，單骨食落口好方便。龍蝦沾麵西日合璧，用咗日本太麵，麵質口感煙韌，龍蝦汁打至微微起泡再同太麵混合，每一麵條都吸收咗龍蝦汁嘅精華，上面仲有大大嚿彈牙既龍蝦肉，必試嘅菜式。浮雲島口感綿密，外面既蛋白霜如雲朵般輕盈，內裡既奶茶雪糕香甜滑順，加埋底部既吉士 cream ，甜而不膩。