Flagship

營業中

休息中

位於灣仔船街盡頭嘅Flagship，裝潢好有特色，以古舊作為主要風格，好似入咗另一個時空咁。餐廳主推fusion菜，好有唔同國家混合嘅風味。 法國香草脆田螺好特別嘅開胃菜，因為「田螺殼」係用好似雪糕筒口感嘅脆餅造成嘅仿殼，所以成粒田螺都係可食用。冬蔭功大蝦扁意粉好香冬蔭功味，酸酸辣辣食到停唔到。酸味比較重，增加味道層次；唔算太辣，冇咁食得辣嘅都唔怕。 千層脆窩夫油封鴨髀用咗太陽蛋，蛋汁令鴨髀多咗層蛋黃香味。鴨髀煮得非常腍甜，唔太鹹，調味剛剛好。加咗窩夫，呢個配搭都幾新穎，幾特別。