影片
更多
2024-07-25
315 瀏覽
作為一個麻糬控，成日都會留意邊度有好食既麻糬甜品。Book mark咗呢間位於尖沙咀K11 muses 既日系cafe ，諗住趁平日冇咩人過嚟試試佢😆 之前行開K11 musea 嘅時候，都留意過呢間餐廳。餐廳位於PURE個一層，呢一層屬於商場嘅平台，可以睇到好靚嘅維港景，節日既時候仲會有擺設同埋市集，食完野可以順便去影吓相打個卡。預先係OpenRice 訂左枱，平日夜晚人流唔算好多。餐廳座位寬敞，二人枱都唔會覺得迫。我哋兩個女仔叫咗三個dishes。因為諗住留肚食麻糬窩夫，所以淨係嗌咗一個main dish 再加一個沙律。餐廳本身都主打手工意粉，所以叫左一客慢煮雞胸肉配手工意粉。雞胸肉唔算太多，但肉質嫩滑，一d都唔乾，好有驚喜。相反意粉就普通左d ，個人覺得偏淋，唔夠Al dente。 而三文魚凱撒沙律份量好多，新鮮嘅沙律菜配上豐富嘅芝士同埋煙肉，好清爽。甜品款式都多，最後揀左特別少少既培茶麻糬窩夫配開心果雪糕！ 餐廳將麻糬整成薄片，好似一張被咁，鋪喺窩夫上面，真係好有新意。配上柚子啫喱同埋大熱開心果雪糕，清新得黎又唔會漏。麻糬食落十分煙靭，切嘅時候都做到拉絲嘅效果，好有驚喜，食晒都
之前行開K11 musea 嘅時候，都留意過呢間餐廳。餐廳位於PURE個一層，呢一層屬於商場嘅平台，可以睇到好靚嘅維港景，節日既時候仲會有擺設同埋市集，食完野可以順便去影吓相打個卡。
預先係OpenRice 訂左枱，平日夜晚人流唔算好多。餐廳座位寬敞，二人枱都唔會覺得迫。我哋兩個女仔叫咗三個dishes。因為諗住留肚食麻糬窩夫，所以淨係嗌咗一個main dish 再加一個沙律。
餐廳本身都主打手工意粉，所以叫左一客慢煮雞胸肉配手工意粉。雞胸肉唔算太多，但肉質嫩滑，一d都唔乾，好有驚喜。相反意粉就普通左d ，個人覺得偏淋，唔夠Al dente。
而三文魚凱撒沙律份量好多，新鮮嘅沙律菜配上豐富嘅芝士同埋煙肉，好清爽。
甜品款式都多，最後揀左特別少少既培茶麻糬窩夫配開心果雪糕！ 餐廳將麻糬整成薄片，好似一張被咁，鋪喺窩夫上面，真係好有新意。配上柚子啫喱同埋大熱開心果雪糕，清新得黎又唔會漏。麻糬食落十分煙靭，切嘅時候都做到拉絲嘅效果，好有驚喜，食晒都唔會覺得滯。
總括而言，麻糬窩夫必定要叫！！ 真係好好食！
由於位於尖沙咀旺區，餐廳定價比較高，主食唔算好吸引，下次可能約吓朋友嚟食甜品就算。
張貼
