影片
更多
6天前
0 瀏覽
Seoulmate主打韓式創意Fusion料理，除咗野食特別外裝修仲好打卡able，小朋友🧒🏻👧🏻一定鍾意❤️今次就帶埋Abi去食呢間啦！餐廳好闊落，以木系簡約為主，另外亦都有唔少壁畫，近門口窗邊位置更加有放滿公仔既韆鞦座位，真係好warm呀🥰醬燒雞串燒拼盤有雞翼、雞軟骨、雞腎等組成，一大班朋友share就啱晒啦😃雜菜炒韓式粉絲叫得多煎炸嘢，想食啲清清地嘅嘢就啱晒啦，粉絲煮得啱啱好，加埋冬菇🍄🟫同埋菜，簡簡單單又好味韓國燒酒煮一斤重新鮮活大蜆一煲上嘅蜆，熱辣辣真係好正啊！用燒酒🍶煮過嘅蜆會特別甜，加上啲蜆新鮮冇沙，食咗舔舔脷😋韓式炸雞（無骨）一碟炸雞最多可以叫三種味道，我哋叫咗明太子醬、甜辣醬同蒜香蜜糖蛋黃醬。炸雞炸得啱啱好，個人最鍾意蛋黃醬，因為同炸雞好夾😎粉紅雪山帶子蘆荀芝士炒飯用玻璃罩呈上炒飯，一打開罩後有煙霧效果，非常有儀式感！雪山外殼用蛋白做成，食落去入口即溶，而山頂有流心芝士，加埋有帶子粒、冬菇、紅蘿蔔絲既炒飯就好惹味Seoulmate 檸檬梳打、宇治抹茶拿鐵奶蓋雪山佢哋嘅嘢飲都有水準，食咗咁多重味道嘅嘢，都會想飲返啲酸嘢平衡下，檸檬梳打就啱晒啦！酸酸甜甜咁好開胃，而宇治抹
餐廳好闊落，以木系簡約為主，另外亦都有唔少壁畫，近門口窗邊位置更加有放滿公仔既韆鞦座位，真係好warm呀🥰
醬燒雞串燒拼盤
有雞翼、雞軟骨、雞腎等組成，一大班朋友share就啱晒啦😃
雜菜炒韓式粉絲
叫得多煎炸嘢，想食啲清清地嘅嘢就啱晒啦，粉絲煮得啱啱好，加埋冬菇🍄🟫同埋菜，簡簡單單又好味
韓國燒酒煮一斤重新鮮活大蜆
一煲上嘅蜆，熱辣辣真係好正啊！用燒酒🍶煮過嘅蜆會特別甜，加上啲蜆新鮮冇沙，食咗舔舔脷😋
韓式炸雞（無骨）
一碟炸雞最多可以叫三種味道，我哋叫咗明太子醬、甜辣醬同蒜香蜜糖蛋黃醬。炸雞炸得啱啱好，個人最鍾意蛋黃醬，因為同炸雞好夾😎
粉紅雪山帶子蘆荀芝士炒飯
用玻璃罩呈上炒飯，一打開罩後有煙霧效果，非常有儀式感！雪山外殼用蛋白做成，食落去入口即溶，而山頂有流心芝士，加埋有帶子粒、冬菇、紅蘿蔔絲既炒飯就好惹味
Seoulmate 檸檬梳打、宇治抹茶拿鐵奶蓋雪山
佢哋嘅嘢飲都有水準，食咗咁多重味道嘅嘢，都會想飲返啲酸嘢平衡下，檸檬梳打就啱晒啦！酸酸甜甜咁好開胃，而宇治抹茶拿鐵奶蓋雪山好香抹茶味，個奶蓋真係好足料
張貼
