Still

營業中

休息中

土瓜灣比人感覺係老區，今日喺土瓜灣做野，原來起咗好多新樓，其中呢個新商場有間西餐廳，見入面裝修得幾靚同佢地個2人餐都幾吸引，就入去試試。Welcome food係木魚味噌蒜粒，原粒蒜用味噌醃製，食落蒜粒爽口味噌味好特出。招牌沙律，沙律菜非常新鮮，好脆口，配埋粟米同牛油果，食落好fresh。明太子蒜片蝦，蝦都幾大隻，好爽口，個醬汁好重蒜味，d蝦入晒蒜味，唔錯。紅酒燴西班牙辣腸，d辣腸唔算太辣，個紅酒汁味道好特出，仲有麵包配埋一齊食，幾好食。慢煮北海道十勝豬腩配泰式醬汁，個賣相好靚，d豬腩好層次分明，但食落一d都唔油膩，配埋泰式醬汁好惹味，配菜係沙律菜同粒粒西柚，配主菜食好夾。煙韌之選，原來係churros，外面脆卜卜，入面軟淋淋，配埋個朱古力醬一齊食，好好喺，另外仲有抹茶味同黃豆味嘅蕨餅，食落煙煙韌韌又唔太甜。熱情的蘋果特飲＆西班牙鮮果特飲，2杯d果味都好重，應該係新鮮生果渣汁，上面裝飾係用新鮮生果，非常健康。