Sleepyhead

營業中

休息中

這店位置比較寧靜，不會車來車往，店內有長吧枱，外邊亦有座位，曬下太陽更覺寫意。店長係一隻白色超可愛嘅狗狗🐶黯然銷魂菠蘿叉燒包裝好貼心，分開兩件，唔會整污糟隻手，菠蘿皮外皮微脆，叉燒不會似中式叉燒偏甜，甜味黎自洋蔥，叉燒肉質唔乾，滑蛋口感更豐富。蔥油雞方型嘅麵包外皮，有厚度但咬落非常鬆脆，葱油雞肉質嫩滑，微帶葱油香，加入洋蔥同生菜，食晒都唔覺膩。配搭沙律菜(柚子檸檬汁)無論叉燒或葱油雞包都配新鮮沙律菜，淋上柚子檸檬汁，蔬菜帶微酸，爽口又醒胃。秘製沙嗲牛肉沾麵(豬骨湯頭)炸蒜、葱粒、沙嗲牛肉，豬骨湯底濃厚唔杰身，沾麵拌入炸蒜葱粒好香口，麵質彈牙，沙嗲牛肉夠入味，溏心茶葉蛋層次豐富又好味。氮氣泡沫港式奶茶加左氮氣望落去層次上有兩層，有港式奶茶味道，奶味不會太濃。招牌壹貳捌濃縮咖啡湯力凍飲嘅濃縮咖啡，咖啡夠香亦不會太苦，加入左湯力，還帶點酸酸感覺，湯力不會太多，容易入口。