南越南咖啡廳

營業中

休息中

朋友真係冇介紹錯，食物無論視覺味覺都非常特別👍👍👍南越蟹肉醬配脆球餅：脆球餅好脆，外型好吸引。蟹肉好新鮮，入邊加咗蘿蔔絲，上面加咗啲醃蘿蔔同青瓜，酸酸甜甜, 蟹肉醬少少凍凍地加埋脆球一齊食，作為頭盤，非常開胃。脆米紙薄餅：－咬入口，首先食到青瓜及蘿蔔酸酸甜甜嘅味道，上面一粒粒嘅肉粒餅煙煙韌韌少少鹹鹹地，非常好好味。脆米紙底好脆口，幾種材料加埋一齊食，味道一流，－食難忘。烤蔞葉燒雞配青蘋果條：雞皮好脆，肉質鮮嫩，再加上一啲微辣嘅配醬一齊食，非常惹味。燒雞旁邊亦配上一小碟辣味蘋果，辣味適中。惹來上身鹹檸豬頸肉：豬頸肉上桌後，侍應會係上面點火，啲火大約幾秒後自動熄滅。豬頸肉厚度適中，肉身爽口。招牌金邊粉：有多種材料，食材新鮮，湯底好香濃，另配上一碟酸辣嘅醬汁，可因個人不同的口味隨意加配。參參愛梨：雪梨茶低糖清甜，帶點意米水味道，健康之選。斑蘭奶蓋咖啡啤酒：啤酒面層有一層厚厚的奶蓋，奶蓋有濃厚嘅班蘭味，啤酒麥味重。