南越南咖啡廳

🥰🥳創意驚喜之作｜旺角越南菜旺角星馬泰菜咁多，最近深得我心就係呢間充滿創意同誠意嘅「南越南」🇻🇳，讓食客有充滿玩味嘅互動，感受到滿滿嘅誠意，讓食客留下開心嘅體驗，仲要重點係價錢非常之相宜，性價比好高，值得帶埋三五知己過嚟一試再試！先來一杯蜜桃青蘋果玫瑰花茶（$38），再食個蟹肉醬脆球餅（$68）可以自己參與製作過程，有啲玩味🤗🔥惹火上身鹹檸豬頸肉（$70）敲到外脆內軟、表面微甜嘅豬頸肉配埋鹹檸醬，好開胃！店員仲會喺你面前表演「玩火」一定要拎定個相機📷拍片啊！😆👍🏻朋友就叫咗越南特色蛋咖啡（$38），再食埋個惹味炸粟米條（$48）簡直係越食越肚餓，因為太正！至於個人覺得必點嘅就係新出嘅 南越南蟹肉絲網卷 （$45），呢款越南炸物，廚師將米粉皮炸得非常通透，咬落去亦冇淡淡油膩嘅感覺，非常清新！越式咖喱牛肋條配斑斕椰香飯（$88）呢款主食適合愛辣一族，賣相非常Refreshing ，食落都係淡淡好滋味，牛肋條炆得非常入味同埋軟腍，入口即溶嘅感覺！…查看更多

位於旺角市中心的「NAM VIỆT NAM CAFÉ 」，係一間主打南越食物的咖啡店南越蟹肉醬 配脆球餅蟹肉切成細細粒整成醬，配上青瓜片、醃紅蘿蔔絲及脆球餅，清新開胃扎肉心內美米紙卷（5件）薄薄的米紙，包裹着扎肉、青瓜及紅蘿蔔絲等等，口感同味道都好豐富烤雞肉串（2串）雞肉串燒已經去皮去骨，啖啖肉順化豬肉串（2串）豬肉串燒半肥瘦的，滿有肉香NVN咖啡骨表面以棉花糖作為點綴，淋上咖啡☕️豬軟骨口感鬆軟，表面沾滿濃縮咖啡，味道獨特招牌金邊粉嫲嫲南越湯呈深歇色，味道濃郁，配上幼滑金邊粉，好掛湯呢！配料有牛丸、牛肉片、牛腩及油炸鬼等等，都幾足料香茅青蘋果茶（冷）冰凍可口的香茅青蘋果茶，味道清新，唔會太甜參參愛梨（熱）花旗參配上雪梨片，清熱又滋潤，甜而不膩…查看更多

今日返工放半晝，所以就想搵個地方坐下休息吓～上網見到呢間樓上越南咖啡廳一於就一時究竟！！.咖啡廳大部份座位以梳化為主，坐落好舒服，而且有大玻璃射入陽光，冷氣充足，感覺舒服適合一個人休息，或者約埋三五知己一齊食個飯。.叫咗佢哋嘅招牌金邊粉，金邊粉滑溜而且掛湯，飲到湯底濃郁～而且非常足料，有兩大舊牛骨連肉，仲有牛筋、牛丸、生牛肉片，牛尾濃郁，而且食到唔同嘅口感！牛魔王必選🐮🐮我就比較鍾意食佢哋嘅生牛肉片，生熟程度啱啱好，而且好嫩滑～另外仲有油炸鬼、生菜、辣椒、青檸等不同配料，絕對可以調配出個人化嘅口味！.另外試咗佢哋兩款小食，分別係烤雞翼同脆米紙薄餅。脆米子薄餅絕對係開胃菜，而且層次口感都好豐富，有米紙嘅脆口、臘肉嘅鹹香、蘿蔔絲同青瓜絲嘅清新，配搭有趣，味道融和！兩個人share食就啱啱好啦～小編食唔晒打包咗，米紙就多咗一份煙靭感，同樣惹味～秘製炸萋葉雞翼調味特別，一食落又好香嘅香草味，㗳真啲又會有啲咸香，加上煎得香口保持到雞翼嫩滑，絕對係雞翼控必須要encore嘅選擇😂😂😂😂.飲品方面就揀咗柑桔檸檬綠茶，一上枱竟然係用玻璃樽裝，即刻有一個去咗越南嘅感覺，感覺好高尚😂🫣亦都係因為咁就算唔用冰杯飲其實都好夠凍，就咁飲會飲到好香濃嘅檸檬香，後尾慢慢就會滲出柑橘味，加咗冰飲反而令到入口多咗份冰涼感～啱晒而家熱辣辣嘅天氣🥹.餐廳仲推出左印花卡，儲夠印花仲可以減錢，真係抵到爛，下次可以叫埋朋友一齊黎食lu~…查看更多

越南菜多諗起牛肉河但呢間餐廳打破傳統用左好多唔同嘅花樣去俾大家品嚐越南菜shake shake 雞軟骨新鮮炸起雞軟骨入袋辣椒粉同檸汁shake爽脆、惹味、唔油膩脆米紙薄餅舖上臘腸青瓜蘿蔔絲加沙律醬估佢唔到嘅創意料理臘腸增加咬口又好夾燒豬頸肉油脂好豐富上檯點火兩秒燒完😂推薦點醬食咸咸酸酸中和油膩感又夠開胃無骨鳳爪沙律幾抵食平時係唔會食鳳爪嘅因為唔識食無骨啱曬酸酸辣辣又係開胃菜成隻擺入口有滿足感餐廳最近新設咖喱飯叫咗咖喱牛肋條試下配綠色嘅斑蘭椰香飯牛肋腍牛筋入口即化另外都叫咗兩杯特飲B！TCHY BERRIES莓果加氣泡水、香甜TEARS OF MERMAID上面有個泡泡包住煙有人多手去篤爆左囉都未打完卡、激氣😤爆嗰下啲煙散開好香檸檬搭荔枝酸甜酸甜咁多野玩、價錢實惠—————————————————————🔸 脆米紙薄餅 $58🔸 Shake Shack雞軟骨 $58🔸 惹火上身鹹檸豬頸肉 $70🔸 越式無骨鳳爪沙律 $52🔸 越式咖喱牛肋條配斑斕椰香飯 $88🔸 B！tchy Berries $52🔸 Tears of Mermaid $52…查看更多

開學第二天，壓力山大，好友推介旺角彌敦道的越南餐廳，讓我與她邊吃邊吹水，舒緩心情。餐廳地點便利，離旺角地鐵站數分鐘，旺角東站約十分鐘。環境優雅寧靜，播著悠悠樂韻，大玻璃窗觀望外面天空，裡面食客氣質高雅，無人喧嘩，完美適合放鬆聚會。Shake Shake 雞軟骨外皮炸得金黃酥脆，內裡軟嫩，搖一搖讓香料均勻裹上，調味微辣帶點香，每咬一口都香脆過癮。南越炸豬肉春卷（6條）外皮薄脆，內餡豬肉鮮甜，口感豐富，沾上酸甜微辣的魚露醬，滋味更上一層。越式秘製香茅豬仔骨是全場焦點，香茅與蒜香滲入豬骨，烤得外焦內嫩，肉質軟腍多汁，微甜的醬汁平衡了香料的濃烈，令人吮指回味。南越法式麵包（一分切二）外脆內鬆，抹上特製牛油醬，帶淡淡蒜香，札肉香紅蘿蔔絲爽，簡單卻令人滿足。鹹檸豬頸肉撈檬酸辣開胃，豬頸肉爽滑彈牙，鹹檸檬的酸香與辣椒碰撞，刺激味蕾，令人食慾大增。飲品方面，**班蘭奶蓋咖啡（凍）**班蘭香氣濃郁，奶蓋綿密，咖啡順滑微苦，清涼解壓。**蜜桃青蘋果玫瑰花茶（熱）**果香清新，玫瑰花香幽雅，溫暖舒心。這餐廳菜式味道層次分明，環境舒適，與好友暢談間壓力全消，值得再訪！…查看更多

［旺角：Nam Viet Nam Cafe南越南咖啡廳］地址：彌敦道726號1樓火熱網紅打卡新派越南菜，今午專誠同朋友去試Nam Viet Cafe。幸好預先有book位，勁多人。必試越式咖哩牛肋條配蒜茸包：超腍細切牛肋條配上入晒味秘製牛筋粟米芯雜菜。蒜蓉包勁脆， 點上香口惹味咖哩， 香口而不是辣，適合香港人口味，超正。惹火上身鹹檸豬頸肉：氣派十足，火焰上場有驚喜。外脆內爽口肉質配上鹹檸開胃，記得點上個醬汁， 好好味。鍾意食菠蘿的， 件燒過菠蘿必搶食， 超甜， 口感豐富。秘製烤萋葉雞翼， 一上枱就香噴噴， 外脆內爆汁，獨特香草味道， 配上個醬汁，絕！新菜南越蟹肉絲網卷都係第一次食，估唔到同蟹感合拍。嫲嫲南越湯金邊粉（生牛肉同牛肉丸），真係掂， 生牛肉好嫩同好有牛味， 牛肉丸好彈口， 個湯真的要讚， 香濃！脆米紙薄餅必食， 一刀切落去已聽到”咔嚓”聲， 勁脆， 鋪上滿滿青瓜蘿蔔絲蟹柳絲，上面係香口細臘腸， 口感層次大滿足！食飯當然要配上獨特飲品， 冷斑蘭龍眼茶/熱蜜桃青蘋果玫瑰花茶。 一種甜香補脾養神， 一種美白養顏、健胃消食花茶， 滿載而歸！ …查看更多

東南亞菜式中，越南菜都幾岩胃口。呢間係食南越南新式菜式，一開升降機門已被店中呢個霓虹燈箱所吸眼球。掃二維碼點餐，選完食物到飲品，友人叫柑桔檸檬綠茶 ($25)，原枝上夠衛生，夠凍唔駛加冰會溝淡，飲到真實味道，酸甜柑桔檸檬味夠解渴。我就叫咗呢杯杯熱蜜桃青蘋果玫瑰花茶 ($30)，選用優質茶包，入口有蜜桃青蘋果嘅微酸甜果味，加埋少少玫瑰花瓣碎，增加美感，有樣有內涵。燒鷄翼，應該無咩人唔鍾意食，就好似呢客秘製烤蔞葉鷄翼($52)，一客4隻。烤得皮香肉嫩，食到香草嘅香味，加少少特色醬，又食到多一份蝦米嘅香味。熱辣辣好好食。食越南嘢大愛米紙卷，今晚叫咗扎肉心內美米紙卷 ($65)，顏色吸睛，望落有清新感覺。米紙包住扎肉條，醃甘荀絲仲有青瓜，唔同層次嘅口感，加配特色醬汁點食，酸甜味道意外地惹人胃口。呢餐想打卡儲like，只要叫呢客惹火上身鹹檸豬頸肉 ($70)就可以。未惹火前，見到有燒菠蘿及豬頸肉。之後店員會施展火功，一刻惹火係豬頸肉上，勁呀。火好快熄，夾一件去點鹹檸酸甜醬就放入口，豬頸肉肉質軟滑，油香中帶點惹味。友人想食法包，就叫NVN南越法式麵包($78)，已預先幫忙一開二，方便易食。香脆法包包住扎肉，豬耳，醃甘荀絲及青瓜，咸香中又帶點酸甜味道，每人食半條岩岩好。不可不叫嘅係呢碗招牌金邊粉($88)，目測差唔多每枱都叫。豐富材料包括有半生牛肉，牛丸，牛筋，牛腩及牛尾骨，多個牛部份都食到。湯底係嫲嫲南越湯，入口鮮甜唔油膩，怪唔知得有埋條油炸鬼可以索湯食。金邊粉有口感，連湯連牛肉一啖放入口，滿足呀。上菜速度快，但又無限你用餐時間，食物口味令我地都滿意，回頭率唔低。…查看更多

今日就同朋友去左南越南咖啡廳 餐廳環境舒適，有多款越南特色菜選擇南越蟹肉絲網卷外層既米粉皮炸到通透酥脆，咬落去咔嚓一聲，內餡鮮甜飽滿秘製烤萋葉雞翼雞翼烤得外皮焦香，肉質嫩滑多汁惹火上身鹹檸豬頸肉店員係面前點火，頸肉烤到邊位帶點焦脆，口感彈牙扎肉沙律扎肉彈牙，配上新鮮蔬菜同酸甜醬汁，清爽開胃越式咖喱牛肋條配斑蘭椰香飯牛肋條燉得軟腍入味，咖喱好重香料味，配上帶有斑蘭葉同椰香嘅飯，香口惹味班蘭奶蓋咖啡咖啡香醇，奶蓋綿密，仲有淡淡班蘭香蜜桃青蘋果玫瑰花茶有清新既花香果味，清甜解膩…查看更多

近旺角地鐵站的這間越南餐廳，有不少捧場客。這裏的菜式選擇多，而且用心製作，環境也都分舒適。越式咖哩牛肋條配斑蘭椰香飯 ($88)微辣的咖哩汁，軟嫩易入口的牛肋條肉，配搭充滿斑蘭香味的飯，味道一流。南越蟹肉醬 配脆球餅 ($68)蟹肉十分鮮味，配上青瓜片和紅蘿蔔絲，令人感覺清新，與脆球一齊吃用，口感充滿層次。脆米紙薄餅 ($58)白色薄餅上鋪滿了紅蘿蔔絲、青瓜絲、臘腸粒，沾滿了縱橫交錯的千島醬，色彩繽紛奪目。咬上口時薄脆香口，加上醬汁的酸甜，大量瓜絲的清爽，臘腸粒的甜咸味，整體味道濃郁吸引但不覺油膩，令人想再食多一次！(新)越式秘製香茅豬仔骨 ($88)有5至6條骨，肉質軟腍，醃製入味。食到停不了。越式發酵茶葉沙律 ($54)這個沙律健康又美味，蔬菜加上花生、發酵茶葉等香料混合，很開胃。凍荔枝雲朵咖啡 ($38)黑咖啡與荔枝梳打十分絕配！充滿黑啡的純厚微酸，加上荔枝的甜味，配合梳打在舌頭上的快感，清新醒神，令人暢快！熱蜜桃青蘋果玫瑰花茶 ($30)玫瑰花加上蘋果的酸甜味道，美味又潤喉。有加一服務費…查看更多

越南粉向來系好食嘅，喱間就特別好味喇，湯好濃，有陣酸甜味蛋啡同熱巧都幾有特色，似焦糖佈丁味奶蓋，熱巧就冇落糖咁樣太苦雞亦4只要幾十蚊就有D過分咯，雖然味道都唔錯沙律就唔係好建議食，醬都唔夠嘅，唔啱feel咖哩有落椰漿咁好似，不過空口食就有D辣，同塊法包一齊食啱啱好服務態度算可以，基本上一出電梯服務員小姐就問幾個人，請我們入座，走嘅時候又提醒我帶齊嘢，見菜食完就嚟清碟。缺點就係份量少咗D，價係旺角咁嘅地段不便，但上咗4個餸先啱啱夠飽，仲要點套餐嘅情況下，所以性價比一般。…查看更多

朋友帶我來這間越南fusion小館食lunch，環境以綠植熱帶裝潢，食物也有fusion元素，啱晒打卡。🔸南越金絲網蝦春卷：金絲網脆皮，視覺金黃，脆口多汁，越南小食經典推介！🔸南越蟹肉醬 配脆球餅：把蟹肉醬放進脆球餅內吃，口感有趣，開胃前菜一流！🔸惹火上身鹹檸豬頸肉：店員會於上枱後炙燒豬頸肉，加上鹹檸汁酸酸味味，Yummy!🔸越式咖哩軟殼蟹配蒜茸法包：軟殼蟹外脆內嫩，咖哩香濃微辣，配蒜蓉法包去吸咖喱汁去吃好正。🔸扎肉沙律：扎肉配青瓜甘筍，清新微酸輕盈健康！🔸南越蛋咖啡：蛋黃奶油濃郁滑順，咖啡苦甜平衡，層次豐富回甘！🔸蜜桃青蘋果玫瑰花茶：果香清新玫瑰微甜，很好飲的花茶。…查看更多

今日經過旺角見到一間泰式嘅網絡好吸引於是忍唔住入去試一試🤤秘製烤萋葉雞翼（4隻）一上枱已經聞到陣陣香草味，萋葉嘅香氣完全滲入咗雞翼裡面。外皮烤到脆卜卜，咬落去「咔嚓」一聲，裡面嘅肉汁即刻爆出嚟，嫩滑到呢～唔會太鹹，味道剛剛好！扎肉心內美米紙卷（5件）米紙卷睇落好清爽，啱晒我呢啲又想食又怕肥嘅人。外皮煙韌得嚟唔會太厚，裡面嘅扎肉同蔬菜好新鮮，仲有啲檬粉增加口感。點埋佢哋特製嘅魚露，酸酸甜甜，好開胃！越式秘製香茅豬仔骨呢個豬仔骨真係必點！香茅味好出，醃得好入味，咬落去肉質鬆化，仲帶少少焦香。最正係佢個秘製醬汁，甜甜地又帶啲香茅同蒜香！鹹檸豬頸肉撈橴豬頸肉一向都係我嘅至愛，今次加咗鹹檸真係有驚喜！豬頸肉燒到外脆內軟，肥瘦適中！Shake Shake 雞軟骨雞軟骨炸到金黃香脆，咬落去「索索」聲，好過癮！調味粉帶少少辣同鹹香，食到停唔到口。南越南咖啡廳 (旺角)旺角彌敦道726號1樓…查看更多

📕南越南咖啡廳 (旺角)📕旺角彌敦道726號1樓1. 扎肉心奈美米子卷：這是一道結合肉質扎實的豬肉心與米紙卷起的料理，外層柔軟，內餡豐富，口感層次分明，常搭配特製醬汁享用。2. 炸雞軟骨：選用新鮮雞軟骨經過裹粉炸至酥脆，外酥內嫩，口感獨特，咬起來有嚼勁。3. 南越蟹肉絲網卷：採用新鮮蟹肉絲包裹在薄如蟬翼的米紙中，再用網狀裝飾點綴，清爽鮮美。4. 招牌南越湯邊粉：這是店內招牌的越南河粉，配以豐富的湯底和各式配料，湯頭香濃，米粉滑嫩。5. 惹火上身鹹檸豬頸肉：使用鹹檸檬調味的豬頸肉，酸鹹開胃，經過特殊醃製與烹調，香氣四溢。…查看更多

🔎 NAM VIET NAM CAFÉ*📍 九龍城福佬村道92-94號馬樹大廈地下I號舖.越式惹味栗米條份量都幾多，呢個小食幾特別。可能我本身麻麻太多蜜糖，但我朋友好鍾意食甜，所以佢大讚，我自己可能鍾意食咸多D，所以就1件起2件止。蟹肉醬配脆球餅數個小脆球餅，加入蟹肉醬即啪入口食，層次分明，口感絕配。味道清清地十分唔錯，超級鍾意呢個現搭。香茅豬仔骨香茅新鮮滲入每件豬仔骨，烤完外脆內嫩，連友人都大讚好食，同我爭住食。大大件，好抵食。咖哩牛肋條配班蘭椰香飯牛肋條十分嫩，加上獨有既炭燒技術，肉質完全唔柴。層次豐富，配埋班蘭飯成件事覺得幾得意的，比較小機會可以食到班蘭飯。烤萋葉雞翼萋葉香氣獨特，烤完散發檸檬草般清新味，雞肉亦嫩滑，同土匪雞翼有小小相似，但更加好食。柑桔檸檬綠茶柑桔既甜酸，加上檸檬同清新既綠茶更為大愛。綠茶不澀，絕對係超正既解暑神器。班蘭龍眼茶新鮮班蘭葉磨汁配龍眼乾浸泡，茶味不澀，係一個幾特別既配搭，不妨一試。讚賞其酸甜及果香爆汁，重點係真係飲得出佢係新鮮。而且仲幾大杯，好抵飲。…查看更多

好耐冇見朋友仔，岀黎旺角聚一聚，搵左呢間越南菜，坐得舒服，可以慢慢傾下計。嫲嫲南越湯，招牌金邊粉，個湯底濃郁好正，牛尾夠腍半肥瘦。生牛肉新鮮，好滑好嫩，仲有牛筋、牛丸，牛肋條，油條好豐富。南越蟹肉醬配脆球餅，蟹肉一絲好鮮美，拌入脆球餅卜卜脆，層次豐富。越式惹味粟米條，好香口，但粟米粒又唔會乾，點埋醬汁仲好味。NVN 咖啡骨，上面有個麵花糖，用咖啡沖落去，個骨食落有咖啡香仲帶甜，有點糖醋骨既感覺。NVN 南越法式麵包，有肉又有蔬菜，法式外脆內軟。斑斕奶蓋咖啡，斑斕味同咖啡冇違和感。荔枝雲朵咖啡，咖啡混合果味，幾特別。富國島之椰子奶凍，白色係椰汁糕，紫色係香芋，下面係芒果，食落好似楊枝甘露。…查看更多