糕點時光

營業中

休息中

北角呢間Cafe主打香港懷舊美食，裝修同擺設都特登配合舊時嘅香港冰室。除此之外，佢仲係一間社企餐廳，所以今日特登去支持一下。佢哋雖然係買啲懷舊食物，但係加入咗少少新意喺入面🍊玩味剝皮橘子包個包成個橙咁樣，仲可以幫佢剝皮喎。個包入邊就係橙味嘅餡，的確夠好玩。🫔DIY動手包糖蔥餅拼盤好耐冇食過糖蔥餅啦，仲以為失傳咗。呢度除咗可以你自己包之外，仲有三隻口味。有傳統嘅花生椰絲，仲有肉鬆。最特別嘅就係爆炸糖，有酸酸地嘅生果味夾埋又幾好食喎。🍡開心果脆脆糖不甩呢個糖不甩成個台式麻糬咁樣，黐滿晒開心果碎之後再點濃濃嘅開心果醬。每一啖都係開心果味，個糯米皮又唔會太過硬，認真真係幾好食嘅糯米丸子艾草拿鐵唔知大家知唔知嗌草係乜，呢隻味會喺中醫舖入邊聞到。原來艾草溫經活血，可以促進血液循環。而家溝埋牛奶又真係幾特別。