潮城潮汕火鍋

營業中

休息中

潮州妹又出動啦，見到呢度開咗間專食牛肉嘅潮式火鍋店，一於入去止一止思鄉情意結。入到嚟睇咗個餐牌見到都有好多唔同嘅部位可以揀。除咗打邊爐嘅配料之外，佢都仲有啲滷水鵝同埋小食，都係充滿潮州特色。我咁大個女都未試過獅頭鵝肉丸，必須叫嚟試吓。佢個外表好似炸咗嘅鯪魚球，但係咬落去真係超級實淨，仲好彈牙同好多汁，又真係幾好食。打邊爐方面，我哋叫咗嫩肉，呢個部位真係夠晒腍，仲一啲都唔肥，岩晒我。另外仲叫咗個匙仁，呢個部位俾嫩肉會有口感少少，而且牛味都會濃啲，打邊爐真係冇得輸。另外我哋仲叫咗碟蒙古小羔羊，我其實都比較怕騷味，但係好彩佢呢個嘅騷味唔會太嚴重。我想講嘅係佢哋自家製嘅辣椒油同埋沙嗲醬都好好味，用嚟點下肉真係好正㗎。另外我哋叫咗份粟米豬肉餃，佢個餃皮都做得幾好，煙煙韌韌，而且啲粟米都好甜。另外仲有一份魚皮餃，熟咗之後個魚皮都好出好香，唔錯嘅。