金和潮菜

營業中

休息中

今日約左朋友放工後係附近搵食，行過見到依間新開潮州餐館，於是一齊入去試新野。一入去裝修新淨企理，每枱都有紙巾供應，招呼嘅哥哥笑面迎人，落單斯文有禮，未叫野食已經加左唔少分。去打冷店食滷水當然要配返支冰凍啤酒啦，首先叫左一碟鹵水鵝片。鵝片肉質嫩滑，鵝片下面的豆腐才是精髓，吸收了所有滷汁味道而且非常滑嫩。之後叫左啫啫滑雞煲，雞件大大舊之餘，煲入面配料十足，除左有乾蔥、冬菇之外，竟然仲有豬潤，醬汁不鹹不油膩，食到最後都唔會好咸，配料豐富而且惹味。最後叫左個籠仔豉汁蒸白鱔飯，一打開籠蓋已經香氣撲鼻，最驚喜嘅就係白飯炒底，飯粒分明，配埋豉汁嘅味道，我地每人兩，三碗極速就已經清籠，真係非常出色，平民良心食店，一定會再幫襯。