阿叔泰麵 (積信街)

營業中

休息中

又係捐窿捐罅搵食，之前發現大圍積信街好多小店，今次就去左試阿叔泰麵-係一間食泰北野，主打係船麵。店鋪細細，但坐得舒服，餐廳佈置得好有特色。牛肉船麵-食船麵一定要加埋店內的四大調味，會更加惹味。嫩腍既鮮牛肉再配埋脆口既炸豬皮，口感豐富。冬陰功湯麵-湯底味濃、酸辣啱啱好，質地較稀，可以當湯飲，配上蛋麵，軟硬適中又做到掛湯既效果，配埋不同既海鮮，增加鮮味。粒粒雞棗-泰北地區傳統的小吃，將雞肉剁成小粒，然後混合不同調味料，再炸起，有其獨特的口感和美味。泰式綠奶茶-勁香抹茶味，唔似日本抺茶，但又唔會好甜，下次再encore~芒果糯米飯-同平時食嘅有啲唔同，芒果熟同腍，所以超香甜，而糯米飯就偏黏而且有大量既椰槳，是另一風味。