影片
更多
2024-11-04
65 瀏覽
今日同朋友去北角食晚飯，同一間日式餐廳，裝修充滿日本風味，今次安排咗我哋坐吧枱，前面就係壽司師傅，可以睇住佢即刻切魚生、整壽司。而且店舖仲有萬聖節嘅佈置，好有氣氛。揭開餐牌，見到好精美嘅相片，即刻點一味「究極海鮮杯」，呢個菜式好特別，入面有鮮甜嘅海膽、脆卜卜嘅三文魚子、仲有魚子醬、金箔，食到最底層好驚喜，竟然有果肉同埋啫喱，食得好開胃，甜甜地。接着揀咗兩款串燒：「串燒紫蘇免治雞軟骨」同埋「海苔墨魚他他串」，熱辣辣，餡料好特別，好新鮮。再試一下壽司卷「醬燒三文魚炸蝦卷」，火炙三文魚配合脆卜卜嘅炸蝦，好好味。我好鍾意食滑蛋，所以叫咗一份「明太子芝士玉子燒」，炒蛋果然非常香滑。主食方面，揀咗「究極丼」，佢係一份好足料嘅魚生大碗飯，魚生包括三文魚刺身、海膽、甜蝦、吞拿魚蓉、帆立貝等等，好新鮮。另外，「麻婆豆腐炸雞蛋包飯」，日式麻婆豆腐原來真係好麻辣，炒蛋非常香滑，炸雞大大件，一個飯有幾個味道，真係好抵食。
揭開餐牌，見到好精美嘅相片，即刻點一味「究極海鮮杯」，呢個菜式好特別，入面有鮮甜嘅海膽、脆卜卜嘅三文魚子、仲有魚子醬、金箔，食到最底層好驚喜，竟然有果肉同埋啫喱，食得好開胃，甜甜地。
接着揀咗兩款串燒：「串燒紫蘇免治雞軟骨」同埋「海苔墨魚他他串」，熱辣辣，餡料好特別，好新鮮。
再試一下壽司卷「醬燒三文魚炸蝦卷」，火炙三文魚配合脆卜卜嘅炸蝦，好好味。
我好鍾意食滑蛋，所以叫咗一份「明太子芝士玉子燒」，炒蛋果然非常香滑。
主食方面，揀咗「究極丼」，佢係一份好足料嘅魚生大碗飯，魚生包括三文魚刺身、海膽、甜蝦、吞拿魚蓉、帆立貝等等，好新鮮。
另外，「麻婆豆腐炸雞蛋包飯」，日式麻婆豆腐原來真係好麻辣，炒蛋非常香滑，炸雞大大件，一個飯有幾個味道，真係好抵食。
張貼
