集眾菜館

營業中

休息中

四個人在太子食晚飯，叫咗3個餸，3個都唔錯。招牌咕嚕肉真係招牌菜，真係好好食，佢D咕嚕肉炸到個皮脆口，入面D豬肉竟然仲幾嫩，仲有肉汁。雖然淋返個甜酸汁上面，不過對個咕嚕肉嘅脆皮又唔會有太大影響，起碼食到仲脆脆地，好掂。因為我自己鍾意食魚卜，所以呢度有梗係叫黎試，佢仲要唔係薑蔥魚卜而係白胡椒煎，鐵板上，保持溫度，令魚卜無咁易醒，另外用白胡椒配魚卜香得黎又無晒D魚醒味，都幾好食。呢個係什菌豆腐煲，D豆腐好滑，清清地幾好食。作為一間小炒店，呢度嘅價錢真係略高，不過以呢個價錢，佢嘅食物質素同埋烹調味道喺出面真係冇乜地方可以做得，當茶餐廳食個晚餐都要$70 ，呢度稱得上物有所值。