影片
更多
2022-09-23
171 瀏覽
牡蠣小屋 Kagura📍 銅鑼灣駱克道459-461號The L.Square 10樓呢晚我介紹兩個朋友互相認識，朋友揀咗呢間專食牡蠣嘅日式餐廳食晚飯。佢哋嘅座位唔算多，有一部份係放枱、一部份係吧枱，而剩返嘅都係要剝鞋先坐到嘅座位。餐廳唔算好大，我哋坐咗吧枱嘅位置，可以睇到師傅即場烹煮料理。 💰$38免治雞肉 (汁燒) 🐓間間居酒屋嘅免治雞肉串燒應該都係有隻蛋係側邊，俾你打散然後點蛋漿嚟食嘅，呢度都唔例外。佢哋嘅免治雞肉唔會好鹹，食落有雞肉同埋軟骨，醬汁燒得好香，我哋本身食完再想每人叫多一串，但最後因為叫得太多嘢食，食唔落所以就冇叫到啦，可想而知佢係幾好食。 💰$38雞柳梅 (塩燒) 🐓塩燒嘅雞柳梅就韌得多啦，雞肉食落好鞋身，似雞胸肉嘅質感，上面嘅醬汁同紫蘇葉唔係人人都接受到嘅味道，如果唔嚟食可以省略唔叫呢款串燒。 💰$98明太子芝士玉子燒 🍳全場最好食嘅應該係呢個明太子芝士玉子燒，用筷子分開玉子燒時啲芝士係可以拉到絲！上面嘅名明子沙律醬好好味，味道唔會過鹹，配埋滑溜溜嘅玉子燒一齊食真係絕配！溫馨提示大家一定要趁熱食，凍咗即刻有少少失色。 💰$98鯖魚箱押壽司 🍣外型好吸引，亦係廚師推
📍 銅鑼灣駱克道459-461號The L.Square 10樓
呢晚我介紹兩個朋友互相認識，朋友揀咗呢間專食牡蠣嘅日式餐廳食晚飯。佢哋嘅座位唔算多，有一部份係放枱、一部份係吧枱，而剩返嘅都係要剝鞋先坐到嘅座位。餐廳唔算好大，我哋坐咗吧枱嘅位置，可以睇到師傅即場烹煮料理。
[價錢 Price]
💰$38
免治雞肉 (汁燒) 🐓
間間居酒屋嘅免治雞肉串燒應該都係有隻蛋係側邊，俾你打散然後點蛋漿嚟食嘅，呢度都唔例外。佢哋嘅免治雞肉唔會好鹹，食落有雞肉同埋軟骨，醬汁燒得好香，我哋本身食完再想每人叫多一串，但最後因為叫得太多嘢食，食唔落所以就冇叫到啦，可想而知佢係幾好食。
[價錢 Price]
💰$38
雞柳梅 (塩燒) 🐓
塩燒嘅雞柳梅就韌得多啦，雞肉食落好鞋身，似雞胸肉嘅質感，上面嘅醬汁同紫蘇葉唔係人人都接受到嘅味道，如果唔嚟食可以省略唔叫呢款串燒。
[價錢 Price]
💰$98
明太子芝士玉子燒 🍳
全場最好食嘅應該係呢個明太子芝士玉子燒，用筷子分開玉子燒時啲芝士係可以拉到絲！上面嘅名明子沙律醬好好味，味道唔會過鹹，配埋滑溜溜嘅玉子燒一齊食真係絕配！溫馨提示大家一定要趁熱食，凍咗即刻有少少失色。
[價錢 Price]
💰$98
鯖魚箱押壽司 🍣
外型好吸引，亦係廚師推介嘅料理之一，識落冇咩特別，鯖魚唔會有腥味，壽司飯唔會壓得太散或太緊，但唔係好夠味，要食客自己點頗多嘅豉油去調味。
[價錢 Price]
💰$58
燒牡蠣飯團 🦪🍙
雖然係叫做燒牡蠣飯團，但其實同一般燒飯團冇咩分別，因為唔係好食得到有牡蠣嘅味，連牡蠣肉都見唔到，唯一可以讚嘅地方就係佢用嘅米煙煙韌韌幾好味。
[價錢 Price]
💰$208
Kagura彩虹魚生飯 🌈🍚
嚟到呢度，又點可以唔叫呢款專為打卡人士而設嘅彩虹魚生飯呢？玻璃樽入邊放咗幾層唔同嘅魚生刺身，包括三文魚籽、蟹子、吞拿魚蓉、海膽，山芋蓉、海藻同醃漬生蠔，顏色真係靚到好似彩虹咁，好特別。佢另外有跟一大碗赤醋飯，夠三人分食有突，落埋豉油同Wasabi當魚生拌飯咁樣食，都唔錯！
[價錢 Price]
💰$118
牡蠔忌廉意粉 🦪🍝
忌廉意粉個汁好creamy，意粉屬於扁身嘅，蠔嘅份量比想像中少，只有三隻細細嘅蠔，而且食落無咩鮮味，不過又無腥味嘅。意粉嘅調味比較淡，即使落咗兩次黑胡椒去調味，都係唔夠味，但亦可能係因為我食開濃味重口味嘅嘢食，所以先咁覺得。
[價錢 Price]
💰$78
塩味檸檬燒酒梳打 🍋🍶
燒酒梳打味道比想像中苦，但朋友覺得都唔錯，如果價錢平返少少，我認為會合理多啲。
[價錢 Price]
💰$38
可爾必思梳打 🥤
同樽裝嘅味道差唔多，基本上每個地方嘅可爾必思梳打都係咁嘅味㗎啦，佢都算大杯，夠晒冰冰涼涼。
[價錢 Price]
💰$48
北海道布丁 🍮
每次去到日式居酒屋或日本餐廳，我都一定會食佢哋嘅甜品，布丁就係其中一種好signature嘅日式甜品。不過呢度嘅布丁都幾令人失望，唔滑之餘蛋味奶味亦唔濃，層焦糖醬過甜，有少少似自己整但失敗嘅作品。本來滿心歡喜食一個好嘅甜品作收尾，但就變咗呢餐飯嘅遺憾。
[價錢 Price]
💰$1102
呢個價錢已包加一服務費，同一款冇影到相嘅汁燒牛舌，三人喺銅鑼灣食一餐咁豐盛嘅晚餐其實算合理，但食物同服務質素比較參差，有好好食嘅嘢亦有好普通嘅嘢，有好好嘅招呼亦有好普通嘅招呼。如果再嚟食，我應該只會再食佢嘅玉子燒同埋免治雞肉，延誤會再去試佢嘅牡蠣菜式。
喺度想特別鳴謝我朋友請我哋食飯，每次同你食飯都好開心，一齊去食更多好嘢啦！
張貼
