Flames (海濱匯)

營業中

休息中

位於牛頭角嘅海濱匯，除咗係一座有好多公司進駐嘅Commercial Building，呢度仲有間高質西餐：Flames呢間餐廳有分室外同室內嘅座位，最近天氣熱，所以我坐咗室內。一行到餐廳門口，就幾多個好大嘅圓形吧枱，我揀咗近窗口位坐，呢度都好闊落。朋友到咗之後呢，我哋就嗌咗四種食物燒大蝦三文魚籽龍蝦汁扁意粉🍤呢個意粉真係好正，大蝦嘅鮮味同三文魚籽嘅口感搭配得天衣無縫，龍蝦汁令到整個意粉提升咗幾個層次。意大利大蘑菇煙肉薄餅🍕呢個薄餅烤得啱啱好，外皮香脆，仲有陣陣嘅芝士味。大蘑菇同煙肉嘅組合味道好搭，每一啖都係滿足感。牛油烤蔬菜🥦牛油烤蔬菜簡直係健康同美味嘅結合，亦都係我同我朋友高度評價呢一個菜。牛油嘅香氣令到蔬菜更加美味，而且蔬菜嘅口感保持得好好，唔會太乾身，保留咗蔬菜嘅新鮮，又有咗牛油嘅香滑，係一道好健康嘅選擇。避風塘雞翼🐓估唔到響西餐廳都食到大排檔嘅風味，避風塘雞翼嘅味道真係好夠味，鹹香嘅蒜蓉同辣椒嘅辣味完美結合，雞翼外皮酥脆，內裏肉質嫩滑，每一口都係滿足感。呢個雞翼真係好食到停唔到口。我同朋友一路食，一路傾偈，成個過程都好享受。秋天就嚟到啦，天氣涼涼哋嘅時候，我會試吓坐出面，出面好