Flames (海濱匯)

平日聽到觀塘區，就會即刻諗起上下班時間全都是人的可怕畫面，但係到weekend 就好似變咗另一個世界, 一個好休閑嘅世界剛過去一個月內去咗上海和重慶，感覺很久沒吃過西餐，到Weekend約男友陪我嚟呢度食西餐和影相因為有個地方一直都想去打卡, 就係偉業街行人天橋, 係電影《志明與春橋》嘅拍攝地方之一當日天氣非常好, 有藍天配白雲, 所以d相點影都唔使filter如果秋涼時坐outdoor都好寫意同好舒服中午12點多嚟到, 呢個位置雖然有少少偏, 但都不缺客人, 見有幾檯都係一家大細, 可能附近有play group班weekend有brunch set, 每個餐都是百多元, 抵吃主食揀咗: 半隻葡式烤雞配薯條我覺得佢比平時D春雞大隻D又厚肉D, 個皮又唔肥, 烤到微焦帶少許脆, 呢個主菜都唔錯, 唔係因為食完d粗薯飽, 而係食完半隻雞都飽咗另外一份係Fish & Chips, 又係勁大份, 皮脆厚肉, 通常邪惡嘅食物最得我地歡心大人同小朋友都喜愛配咗他他醬, 好好食發覺呢個主菜的粗薯和葡式雞的粗薯味道是不一樣葡式雞那個是灑了點辣粉, 可以食到兩款味, 唔錯最後我加咗$35換咗一份是日甜品: Tiramisu又估唔到幾出色, 好creamy又有咖啡味, 為呢餐畫上完美句號每人$200有找, 連大食男友都食唔哂一份餐, 真係好抵食食飽飽之後就緊係去影相啦, 志明橋正正就起呢座商廈嘅隔離建議食完去打卡消化下由於星期六日真係無咩人, 任你影幾耐都得, 又唔尷尬終於嚟到志明橋打卡, 又食餐好味西餐, 是日大滿足!…查看更多

今晚同朋友去到觀塘海濱匯嘅「Flames」，餐廳主打西式料理，最大賣點係半露天座位可以望到海濱景致，環境開揚舒服，咁岩撞正天氣好吾熱，有d秋意，好適合放假嚟chill下。**Shelter Chicken Wings ($78)**避風塘雞翼炸得外皮香脆，肉質保持嫩滑多汁。外面有炸蒜，好香口。吾會好油。**Margherita Pizza ($148)**雖然係基本款，但絕對考驗功夫。薄餅即叫即烤，餅底薄脆帶麵粉香，邊位焗到微焦鼓起，口感完美。番茄醬清新，水牛芝士份量足，加上新鮮羅勒葉，簡單卻令人滿足。值得一讚係上枱時熱辣辣。**Truffle Fries ($58)**黑松露薯條水準出乎意料！粗身薯條炸得金黃酥脆，灑滿巴馬臣芝士碎同黑松露醬，香氣撲鼻。松露味濃郁但唔會假，每一條都均勻沾到醬汁，佐酒一流。**Lasagne ($158)**千層麵做得相當有誠意，肉醬以牛肉同豬肉混合，燉煮得濃郁入味，每層麵皮都吸收滿滿醬汁。面層芝士烤到金黃，切開時流心效果吸引。份量十足，兩個人分享剛好。二人食，總數為$486。 …查看更多

好食但少遠上個星期六，同屋企人去咗觀塘海濱匯嘅 Flames，環境幾舒服，坐戶外晚風吹嚟好正。點咗幾款主打菜😊蟹肉巴馬臣芝士蕃茄忌廉汁通粉（Crab Meat Penne），通粉煮得al dente，蟹肉新鮮彈牙，配上蕃茄忌廉汁酸甜濃郁，巴馬臣芝士磨得多，入口奶香四溢，唔會太油膩，食到一半已經好滿足。葡式香辣燒春雞配烤蔬菜（Roast Whole Peri Peri Spring Chicken），雞仔燒得金黃脆皮，peri peri辣醬夠勁道，微辣唔嗆喉，肉質嫩滑多汁，啖啖有辣椒同蒜香，配搭烤蔬菜如薯仔同紅椒，脆脆甜甜，好夾！😍 仲叫咗個澳式雞鹽薯條（Chicken Salt Fries），薯條炸得鬆脆，灑上雞鹽調味，鹹香帶點雞味，當小食一流。…查看更多

週末終於得閒，約咗朋友去海濱匯食個 lunch，呢間餐廳之前食過幾次都覺得唔錯，今次表現依然有水準！環境開揚舒適，坐得幾relax 🌟🥩 8oz Rib Eye Steak外層煎得香脆，牛味濃郁，肉質軟腍多汁，啖啖肉香真係好滿足。 🦀 Crab Meat Penne蟹肉份量唔少，鮮甜味突出，配上忌廉汁又濃又香，意粉掛汁力一流。 🍲 Soup of the Day今日個湯夠晒香濃，飲落暖笠笠，好有誠意。 💰整體食物質素好穩定，價錢合理，適合約朋友輕鬆食飯或者週末歎吓。 …查看更多

肉眼扒配忌廉薯蓉非常出色，輕烤過的厚切牛扒肉質細嫩而不失嚼勁，肉汁豐富，味道濃郁無比，輕輕灑上鹽分已能帶出濃厚肉味，配搭軟滑薯蓉更添惹味。蟹肉巴馬臣芝士蕃茄忌廉汁通粉滿有水準，蟹肉鮮甜份量不少，煙韌的長通粉掛滿Creamy的巴馬臣芝士蕃茄忌廉汁，每一口都滋味無窮。夏威夷薄餅由俄勒岡葉、聖馬札諾蕃茄、馬蘇里拉芝士、火腿及菠蘿即烤而成，鹹香的大片火腿配上濃郁芝士及蕃茄醬，香甜的菠蘿再多一番juicy口感。…查看更多