影片
更多
2024-09-29
2797 瀏覽
Moon Thai 已經連續五年獲得《米芝蓮港澳版》推介，之前喺上環時已經好想幫襯，好彩佢哋最近載譽回歸觀塘，佢哋嘅泰廚團隊曾為泰皇御廚，一直為食客提供正宗皇室泰國菜式，今次一於嚟充滿新型食店概念嘅Foodhall by Moon Thai 感受吓佢哋大推嘅皇室御廚級 X Fusion 創意料理😋海南雞飯 $128🐔海南雞飯有齊唔同部位，雞肉嫩滑，飯粒飽滿，充滿濃郁嘅雞油香，而且份量好大碟😍泰式豬肉丸串 $48估唔到有4大串🍡，每粒豬肉丸都超大粒，口感彈牙，泰式醬汁味道超級惹味，我哋食完一串又一串😅沙嗲羊肉串燒 $58羊肉又係有4大串🍡，烤得恰到好處，沙嗲味香噴噴，一啲都唔會羶。烤香茅豬頸肉 $48好大碟，香茅嘅獨特香味配香脆嘅豬頸肉，簡直一流🤤薯條 $38口痕想食薯條🍟，金黃香脆，份量十足。芒果糯米飯 $88🥭芒果清甜，糯米軟糯，色彩繽紛好靚😍飲品方面，我哋叫咗Thai Tea Martini 同 Honey Apple Cocktail🍸，各$62，前者勁香濃，好好飲仲好有特色，依度真係啱曬同朋友放工嚟Happy Hour一齊歎。用親民價錢就可以享受高質素嘅泰國菜，仲要不論早、午、
Moon Thai 已經連續五年獲得《米芝蓮港澳版》推介，之前喺上環時已經好想幫襯，好彩佢哋最近載譽回歸觀塘，佢哋嘅泰廚團隊曾為泰皇御廚，一直為食客提供正宗皇室泰國菜式，今次一於嚟充滿新型食店概念嘅Foodhall by Moon Thai 感受吓佢哋大推嘅皇室御廚級 X Fusion 創意料理😋
海南雞飯 $128
🐔海南雞飯有齊唔同部位，雞肉嫩滑，飯粒飽滿，充滿濃郁嘅雞油香，而且份量好大碟😍
泰式豬肉丸串 $48
估唔到有4大串🍡，每粒豬肉丸都超大粒，口感彈牙，泰式醬汁味道超級惹味，我哋食完一串又一串😅
沙嗲羊肉串燒 $58
羊肉又係有4大串🍡，烤得恰到好處，沙嗲味香噴噴，一啲都唔會羶。
烤香茅豬頸肉 $48
好大碟，香茅嘅獨特香味配香脆嘅豬頸肉，簡直一流🤤
薯條 $38
口痕想食薯條🍟，金黃香脆，份量十足。
芒果糯米飯 $88
🥭芒果清甜，糯米軟糯，色彩繽紛好靚😍
飲品方面，我哋叫咗Thai Tea Martini 同 Honey Apple Cocktail🍸，各$62，前者勁香濃，好好飲仲好有特色，依度真係啱曬同朋友放工嚟Happy Hour一齊歎。用親民價錢就可以享受高質素嘅泰國菜，仲要不論早、午、晚時段，大家都快啲嚟呢度打卡兼chill吓啦，包你滿意！
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉💉
翻兜指數：🩺🩺🩺🩺
Foodhall by Moon Thai
觀塘觀塘道348號宏利廣場1樓101號舖
📍牛頭角港鐵站B5出口4分鐘路程
#healingbobo #foodie #hkfoodie #foodiehk #香港 #美食 #Thai #泰國菜 #海南雞飯 #豬頸肉 #芒果糯米飯#串燒 #NgauTauKok #牛頭角 #FoodhallbyMoonThai
張貼
